ተወዛዋዥ ኩሪባቸው ወ/ማርያም ተወገዘች

Wednesday, June 13th, 2012 | Posted by

(ከሮቤል ሔኖክ)
“የበላችበትን ወጪት ሰባሪ” ነበር ያለው በዋሽንግተን ዲሲ የሚኖረው ኢትዮጵያዊው ስንታየሁ ገብሩ። “ኩሪን ለረዥም ጊዜ በውዝዋዜዋ አደንቃት ነበር። በተለይ በዋሽንግተን ዲሲ ከማሪቱ ለገሠ ጋር ከ15 ዓመት በፊት እዚህ ስትመጣ በችግር ላይ በነበረችበት ወቅት የደረሰላት የኢትዮጵያ ሕዝብ ነበር። ይህች አርቲስት ዲሲ በወረቀት እጦት ስትሰቃይ ቆይታ ለአሜሪካ መንግስት ጥገኝነት ጥያቄ አቅርባ ወረቀት ያገኘችው በባል ነው። በችግሯ ጊዜ የደረሰላትን ሕዝብ ክዳ ዛሬ ከደም መጣጭ ወያኔዎች ጋር ሆና ለሆዷ መሰለፏ አሳፍሮኛል። ከዚህ በኋላ በዚህች አርቲስት ዝግጅት ላይ አልገኝም” ሲል አስተያየቱን የቀጠለው ስንታየሁ “ኩሪ ስሟን ቀይራ እፈሪ ብትባል ይሻላል” ብሏል።
በወያኔና በአላሙዲ ገንዘብ ዋናውን ESFNA በእጃቸው ማስገባት ያቃታቸው ተላላኪዎች ተገንጥለው በመውጣት ተለጣፊ የስፖርት ፌዴሬሽን በማዘጋጀት በዋሽንግተን ዲሲ የስፖርት ፌስቲቫል ቢያዘጋጁም፤ ከወያኔ በስተቀር የትኛውም ሕዝብ አልተቀበላቸውም። በድፍረት ድምጻዊ ነኝ ትበል እንጂ እኛ በውዝዋዜዋ የምናውቃት ኩሪባቸው ወልደማርያም ለሆዷ በማደር አርቲስቶቹን ዳላስ ላይ ከሚከፈላችሁ ገንዘብ የበለጠ ይከፈላችኋል በማለት ዘፋኞችን ልታባብል ብትሞክርም አልተሳካላትም። ለዘፋኞች በዋሽንግተኑ ኮንሰርት ተሳተፉ በሚል የፊርማ ወረቀትና የ$3000 በስማቸው የተጻፈ ቼክ ይዛ ብትዞርም ዘፋኞች ሁላ እምቢ ብለዋታል።

ሁለት የወያኔ ባለስልጣናት በአ.አ ስታዲየም ለቡጢ ተገባበዙ

13Share

ተጠባባቂ ወንበር ላይ የነበሩት ጀግኖች ልጆቻችን

በብራዚል ለሚደረገው የአለም ዋንጫ ማጣሪያ የኢትዮጵያና የመካከለኛው አፍሪካ ብሔራዊ ቡድኖች በአዲስ አበባ ስታዲዮም ባደረጉት ግጥሚያ መሀከል ክቡር ትሪቩን የተቀመጡ የወያኔ ባለሥልጣናት በቦክስ ለመደባደብ ተነስተው በዕለቱ የክብር እንግዳ ገላጋይነት ፀቡ መብረዱን በስፍራው የተገኙ የፍኖተ ነፃነት ጋዜጣ ምንጮች ገለፁ፡፡
የፍኖተ ነጻነት ጋዜጣ ዘገባ እነሆ፦
ምንጮቻችን እንዳስታወቁት ድብድቡ በጠባቂዎቻቸውና በሥፍራው ለጥበቃ የተመደቡ ፖሊሶች ሊበርድ ባለመቻሉ የዕለቱ የክብር እንግዳ ተነስተው ፀቡ እንዲበርድ አድርገዋል ብለዋል፡፡
በሥፍራው የነበሩ የአይን እማኞች ለዝግጅት ክፍላችን እንደገለፁት በዕለቱ የውሃና ማዕድን ሚኒስትሩ አቶ አለማየሁ ተገኑ የእለቱ የክብር እንግዳ፣ የስፖርት ኮሚሽነሩ አቶ አብዲሳ ያደታ፣ የደደቢት ስፖርት ክለብ መሥራችና ፕሬዝዳንት ኰሎኔል አወል ኢብራሂም እና ሌሎች ባለሥልጣናት በእንግድነት ተገኝተው ነበር፡፡ ኰሎኔል አወል ከአቶ አብዲሳ ኋላ ተቀምጠው በስሜታዊነት ተውጠው እየጮሁ ተጫዋቾችን ‹ያዘው! ሩጥ! አቀብል› እያሉ ይጮሁ እንደነበር ምንጮቻችን ተናግረዋል፡፡ አቶ አብዲሳ ያደታ ኮሎኔሉን ‹‹እባክህን ጆሮዬን አሞኛል አትጩህብኝ!›› በማለት ሲጠይቋቸው ኰሎኔሉም ‹‹ጆሮህን ካመመህ እዚህ ምን አስቀመጠህ? ሄደህ አትተኛም!›› በማለታቸው አለመግባቱ ተፈጠረ ይላሉ የአይን እማኞቹ፡፡
ስለ ዕለቱ ግጭትም ሲያብራሩም ‹‹አለመግባቱ ተካሮ ሁለቱም ለድብድብ ሲነሱ የባለሥልጣናቱ አጃቢዎችና በሥፍራው ለጥበቃ የተመደቡ ፖሊሶች ፀቡን ለማብረድ ቢሞክሩም ሊበርድ ባለመቻሉ
የዕለቱ የክብር እንግዳ አቶ አለማየሁ ተገኑ ተነስተው ገላጋይ በመሆናቸው ፀቡ ሊበርድ ችሎአል” ሲሉ ገልፀዋል፡፡

የውሸት ችርቻሮ ይቁም! በአንዲት ዜና 15 ውሸቶች

የውሸት ችርቻሮ ይቁም! በአንዲት ዜና 15 ውሸቶች

በአበበ ገላው

በኢትዮጵያ የሚታተመውና በድረ ገጽ አማካኝነት የሚነበበው “አዲስ አድማስ” በመባል የሚታወቀው ሳምታዊ ጋዜጣ እጅግ ሃላፊነት የጎደለው የፈጠራ ወሬ በዜና መልክ ሰሞኑን አስነብቧል። በዘባው መሰረት ለደህንነቴ ስለሰጋሁ ቤቴን ለቅቄ ከዋሽንግተን ዲሲ እርቄ በሁለት የደርግ አየር ወለዶች እየተጠበኩ በአንድ “ቪላ” ውስጥ እንደምኖር ይሄው “ጋዜጣ” ነግሮናል። ከዚህም በተጨማሪ 250ሺ ዶላር በሽልማት ቃል እንደተገባልኝና ከዚሁም 120ሺ ዶላር ባንክ ማስገባቴን “ዜናው” ያትታል። ዜና ተብዬዋ ከአስራ አምስት በላይ ውሸቶችን በማካተት ወደር ያልተገኘላት ልብ ወለድ መሆንዋ ብዙም አያጠያይቅም።
እውነታው ግን ህወሃቶች በአሜሪካን ሀገር አንገት አቀርቅረው ተሸማቀውና ከህዝብ አይን ተደብቀው መኖራቸው የአደባባይ ሚስጢር ነው። እኔ በዚች ታላቅ ሃገር ተደብቄ ሳይሆን በነጻነትና በኩራት ነው የምኖረው።
ሰሞኑን በተቀነባበረ መንገድ በህወሃት የዜና አውታሮች እየተፈበረከ ካለው የሀሰት ውንጀላና በሬ ወለደ ወሬ አንጻር የአዲስ አድማሱም ዘገባ ሆን ተብሎ ዋናውን ጉዳይ በርካሽ ውሸትና ወሬ ለማድበስበስ የሚደረገው ጥረት አካል መሆኑ ማንም ሊዘናጋ እይገባም። ጥያቄው የገንዘብ፣ የቪላ፣ የአጃቢና ተራ መሰል ጉዳዮች አለመሆኑ በግልጽ እየታወቀ በአለም መሪዎች ፊት የተስተጋባው የኢትዮጵያ ህዝብ መሰሪ የሃሰት ፕሮፓጋንዳ ማሰራጨት የፋሺስታዊው ስራትን ኪስራ የበለጠ ከማጋለጥ ያለፈ ፋይዳ የለውም። የኢትዮጵያ ህዝብ ጥያቄ የፍትህ፣ የእኩልነት፣ የመብትና የክብር መሆኑ ግልጽ ነው።
በቅርቡም የNational Press Club አባልነቴና “የጋዜጠኛ ፈቃዴን” መሰረዙ፣ የአሜሪካ መንግስት በአቶ መለስ ላይ ያሰማሁት ተቃውሞ እንዳበሳጨው በህወሃት የተፈበርኩ ዜናዎች በሙሉ ሃሰት መሆናቸው ሊታወቅ ይገባል። በአሜሪካ ትልቁ የጋዜጠኞች ማህበር ናሽናል ፕሬስ ክለብ ፕሬዚዳንት የሆኑት ቴሬሳ ዌርነር በስርአቱ ደጋፊዎች በኔ ላይ የቀርቡላቸውን በርካታ ውንጀላዎች መርምረው ውድቅ ማድረጋቸውን ይፋ አድርገዋል። ማህበሩም የኔን እውነተኛ ጋዜጠኛነት ጥያቄ ውስጥ እንደማያስገባና ከጎኔ እንደሚቆም አረጋግጠውልኛል።

የ‹‹አራት ኪሎው›› እና ‹‹የቃሊቲው መንግስት›› ወግ

የ‹‹አራት ኪሎው›› እና ‹‹የቃሊቲው መንግስት›› ወግ

ተመስገን ደሳለኝ

ሲሳይ አጌና በቅርቡ በመጀመሪያ በጀርመን፣ ቀጥሎ በአሜሪካን ሀገር ‹‹የቃሊቲው መንግስት›› የሚል ርዕስ ያለው መፅሐፍ አሳትሟል። በእርግጥ መፅሐፉ እስከአሁን ሀገር ቤት መግባት አልቻለም (ምናልባት ወደፊትም ላይገባ ይችላል)

ጋዜጠኛ ሲሳይ አጌና በኢትዮጵያ የነፃ ፕሬስ ታሪክ የጎላ አሻራ ካላቸው ጥቂት ጉምቱ እና ትንታግ ጋዜጠኞች አንዱ ነው። ከ1986 ዓ.ም. ጀምሮ በድህረ ምርጫ 97 በተነሳው አለመግባባት ስራ እስካቆመበት ዕለት ድረስ ‹‹ኢትኦጵ›› እና ‹‹አባይ›› የተባሉ ጋዜጦችን በባለቤትነት ይመራ ነበር። በተለይ ኢትኦጵ ጋዜጣ በእጅጉ ተወዳጅ ከመሆኗም ባሻግር በስርጭትም ግንባር ቀደም እንደነበረች ይታወሳል።

ጋዜጠኛ ሲሳይ ከቅንጅት መሪዎች ጋር አብሮ ታስሮ ነበር። የተለቀቀውም ልክ እንደእስክንድር ነጋ ፍርድ ቤቱ ‹‹ነፃ ነህ›› ብሎት ነው፡፡ ይህ አንድ እውነት ቢሆንም ብሮድካስት ኤጀንሲ የተባለ ‹‹ፍቃድ ሰጪ እና ፍቃድ ነሺ›› መስሪያ ቤት ወደ ፕሬሱ እንዳይመለስ በመከልከሉ ዛሬ በአሜሪካን ሀገር በስደት ይኖራል። ‹‹የቃሊቲው መንግስት›› የሚል ርዕስ የሰጠውን መጽሐፉንም ያሳተመው በዛው በስደት አለም ነው። (በነገራችን ላይ ይህ ፅሑፍ የመፅሐፉ ዳሰሳ /Book review/ ባለመሆኑ ስለመፅሐፉ ይዘት፣ ጠንካራ እና ደካማ ጎን አንነጋገርም። የምንነጋገርበት አብይ ጉዳይ በመጽሐፉ ላይ ስለተገለፀው የፍትህ ስርዓቱ ሹቀት፣ የፀጥታ አስከባሪዎች ገለልተኛ ያለመሆን፣ ስለእስረኛ አያያዝ እና ሌሎች ተያያዥ ጉዳዮች ብቻ ነው። ይህንን መንገድ የመረጥኩበት አንዱ ምክንያት የሚመለከተው ክፍል ቢያንስ በዋና ዋና ጉዳዮቹ ላይ መልስ ይሰጥበታል በሚል ሲሆን፣ ሁለተኛው ደግሞ ከመጋረጃው ጀርባ ያለውን የኢህአዴግን ፖለቲካ ‹‹ፈገግ›› በሚያደርጉ ገጠመኞች ታጅበን ለማየት እንዲያስችለን ነው) በቅድሚያ ሲሳይ አጌና ይህንን መፅሐፍ ለምን እንዳዘጋጀ በመግቢያው ላይ ከገለፀው ጨርፈን እንይ፡-

ሳላዲን እየታከመ ነው – መሪነታችን ይቀጥል ይሆን ወይስ እንደትላንቱ

 (ገነነ መኩሪያ ሊብሮ)

5Share

ወደ ገነነ መኩሪያ (ሊብሮ) ዘገባ ከመሄዳችን አስቀድሞ ኢሳት ቲቪ ላይ ኤርሚያስ አማረ ስለ ሴቶች እና ወንዶቹ ብሄራዊ ቡድናችን እንዲሁም ስለዩሮ 2012 ያቀረበውን ዘገባ ቪዲዮ እንከታተል።

(ሊብሮ) ሳላዲን ሰኢድ በትላንቱ ጨዋታ በመጎዳቱ ለሚቀጥለው ጨዋታ ይደርሳል ወይስ አይደርስም እየተባለ ነው፡፡ ይሳቅ ጋር እየታከመ ነው፡፡ ጥሩ ህክምናም እየተደረገለት እንደሆነም ይነገራል፡፡ በልምምድ ላይ ይታይና ለሚቀጥለው ጨዋታ ይደርሳል አይደርስም የሚለው ይወሰናል፡፡ በነገራችን ላይ ሁሉም ከኳስ ሲይዝ ሳላዲንን ነው የሚፈልገው፡፡ የቡድን ስራ የሚባል ነገር እየጠፋ ነው፡፡ ተጫዋቹ ከተጎዳ ማን ላይ ሊያተኩሩ ነው፡፡ ትላንት ሳላዲንን ፍለጋ በረጅሙ የተላኩ ኳሶች አብዛኞቹን ሴንትራል አፍሪካ ወስዷቸዋል፡፡ እነሱም ሰላዲን ነን እያሉ ነው የሚቀበሉት? ቡድናችን ለአፍሪካ ዋንጫ ቤኒንን ለመግጠም አርብ ይጓዛል፡