ሰይጣንን መልዓክ፣ ገዳይንና ጨካኝን የሰላም መልእክተኛ ለማድረግ ይህን ያህል መራወጥ ለምን አስፈለገ?

ከበቃና ኦብሴ
“… ዜሮ ስድስት (ባዶ ሹድሽተ) ተብሎ የሚጠራ እስር ቤት፤ ለትግራይ ሕዝብ የናዚ ስርዓት የሚፈጽሙበት ነበር፡፡ ይህ ከአደጉ በኋላ (ምስገበሉ) የተመለሱበት ሜዳ ስለነበር፤ ለሞት ተፈርዶ ወደዚሁ ሜዳ የሚላክ እስረኛ፤ ስጋውን በፍጹም አሞራ አልበላውም፡፡ የእስር ቤቱ ጭካኔና ስርዓት አጽረጋ ከተባለው ስፍራ እንደጀመሩት ዓይነት ነበር፡፡ የኢዲህ ደጋፊ ነህ፣ ልጅህ ወይም ወንድምሀ የኢዲህ ታጋይ ነው፣ ተብሎ ይያዝና፤ ወደዚሁ ዜሮ ስድስት “ባዶ ሹዱሽተ” እስር ቤት ይወሰዳል፤ … ለጥቂት ቀን ደህና ቀለብ እየተሰጠው በሁለት በሶስት ቀን ውስጥ ከሌላ ተመሳሳይ እስረኛ ጋር እየተረዳዳ፣ ቢያንስ ሁለት ሜትር ጥልቀት ያለው ጉድጓድ እንዲቆፍር ይታዘዛል፤ የጉድጓዱ ስፋት ወይም ዓይነት የሰው መቃብር አይመስልም፤ እንደ ውሃ ጉድጓድ ጠበብ ብሎ እየተቆፈረ አፈሩ ዙሪያውን ይከመራል፤ እስረኛው የቁም መቃብሩን ጭሮ እንዳበቃ ይወጣና በገመድ እጅና እግሩ ታስሮ፣ ዓለም በቃኝ ወደ ቆፈረው ጉድጓድ ይመልሱታል፡፡ ወያኔዎች እስረኛቸው ከመሞቱ በፊት ሲሰቃይ ማየት በጣም ያረካቸዋል፡፡ ቶሎ እንዳይሞት ትንሽ ቂጣና ጥቂት ውሃ በሜንጦ መሳይ በገመድ(በመገለል) ያቀብሉታል፡፡ ሽንትም ሆነ ዓይነ ምድር መፀዳጃው ከዚያችው ጉድጓድ ውስጥ ነው፡፡ አንዴ ወደ ቆፈራት ጉድጓድ ከተጣለ በኋላ፤ በምንም ተአምር መልሶ መውጣት የለም:: እስረኛው በዚያች ጠባብ ጉድጓድ ውስጥ እግሩን መዘርጋትና፤ በጎኑ መተኛት አይችልም:: ተጨብጦ መቀመጡ ከደከመው፣ አቅሙ ከቻለ ማድረግ የሚችለው መቆም ብቻ ነው::ኩርኩም ብሎ ቀን በፀሐይ ሃሩር፣ ሌሊት በብርድ በጤዛ እየተሰቃየ፤ የተፈጠረባትን ቀንና አገር ዘር ሲረግም፤ ከመሞቱ በፊት ከመሬቱና ከሰውነቱ በሚፈጠሩት ትሎች (ድቁቋ)፤ ሰውነቱ እየተበላ፣ በሰው ላቦትና በመሬት ሙቀት የሚፈጠሩት ትሎችም፤ መርዘኞች ስላልሆኑ ቶሎ አይገድሉትም:: ቆዳውን ሰርስረው፣ ስጋውን በልተው፣ አጥንቱን መፈርከስ ሲጀምሩ፣ እስረኛው በመጨረሻው በአፍና በአፍንጫው በዓይኖቹም ትሎችና ድዱቋዎች ይፍለቀለቁና፣ አሰቃቂ በሆነ መርገም ህይወቱ ከላፈች በሗላ፣ በዚህ የመርገም ትእይንት የማይሰቀቁ ወያኔዎች በጉድጓዱ ዙሪያ ያለውን አፈር መለስ አድርገው፣ እጅ እግሩን ታስሮ እንደ ተኮረኮመ እዚያው ቅብር ያድርጉታል:: … (ሙሉውን አስነብበኝ)

የሚዘጋባቸው ህጻናት – ዝግ ቤቶች

(ቀጭኑ ዘ-ቄራ ) ጎልጉል የድረገጽ ጋዜጣ

“በሬ ለምኔ” የፍየል ቁርጥና ጥብስ መለያ ማስታወቂያ ነው። ከኦሎምፒያ ወደ መስቀልፍላወር በሚወስደው መንገድ ላፓሬዚን አለፍ እንዳሉ ወደ ግራ ሲታጠፉ ያገኙታል። ለጉዳዬ የሚመቸኝን በሬ ለምኔ ላመላክት እንጂ ብዙ “በሬ ለምኔ” ቤቶች አዲስ አበባ ተከፍተዋል። ያዲሳባ ቀምጣላ ካድሬዎች፣ ልማታዊ ባለሀብቶች፣ አቀባባዮችና ባለጊዜዎችና አጫፋሪዎቻቸው እድሜ ለማራዘም ፍየል ይመገቡና ማታ ልቅ የግብረ ስጋ ለማድራት አይጨነቁም።

እጠቆምኩት ቤት ስትገቡ ፍየል የሚያገላብጡት የሚታወቁ ባለሥልጣናትና ታዋቂ ካድሬዎች ናቸው። ፍየል ከገባ በኋላ መኪና ተረክ እያደረጉ እዛው ሰፈር፣ ብዙም ሳይርቅ ወይም ቦሌ መሃል፣ ዝግ ቤቶች ይሰየማሉ። አንዱን “ሮዚና” ዝግ ቤት ላስተዋውቃችሁ። ሮዚና ዝግ ቤት ማንም ዘው ብሎ አይገባም። ሮዚና ሲደርሱ እንደ መኖሪያ ቤት ጥሩምባ አሰምተው ከተንበሪውን የሚያስከፍቱ ደንበኞች ብቻ ናቸው። “ደንበኞች” ስል እንግባባለን ብዬ አስባለሁ።
ሮዚና ወገቧ ሸንቃጣ፣ አንጀት የሚባል ነገር ያልሰራባት፣ ዳሌዋ ሰፊና ክብ፣ ሽክ ያለች፣ አንገቷ ውድ ነገሮች የሚቀመጡበት፣ ሽታዋ የሚያውድ፣ ዓይነ ርግቧ በቀለም እንደ ስዕል የሚዋብ፣ ሳሳ ያለ ልብስ የምትለብስ፣ እንግዳዎቿን በምትዘጋባቸው ቤት እየተዘዋወረች የምትቀበል አራዳ ነች። አስተናጋጆቿ በጣም ትንንሽ ልጆች ሲሆኑ ጸሃይ አይነካቸውም። ስራቸው ለሮዚና እንግዶች መስተንግዶ ሳይስተጓጎል መስጠት ነው – የሚጠጣ  ያቀርባሉ፤ ፍም እሳት አዘጋጅተው ቡና ያፈላሉ፤ ለማሟሟቂያ የቡናው ስነ ስርዓት በየክፍሎቹ ከተከናወነ በኋላ የጫቱ ሙቀት እየጨመረ ሲሄድ ሺሻ ይለኮሳል። ህጻናቱ ሺሻ እያሞቁ ደንበኞቹን ለማስተናገድ ከቡና ማፍያው በርጩማ ተነስተው ፍራሹ ላይ ሲወርዱ ከአባታቸው ጋር በሰንበት የሚጫወቱ እንጂ የስራ ግንኙነት ያላቸው አይመስሉም። ጫት እየቀነጠሱ፣ ሺሻ እያሞቁ ደንበኛቸውን ባፍ ባፉ መከደም ዋና ስራቸው ስለሆነ ተክነውበታል።

የቴዲ አፍሮ የሰርግ ቀን ደረሰ

ጥቁር ሰው አልበምን በሽያጭ ላይ ከዋለ በኋላ የትዳር አጋሩን በሪሊዝ ፓርቲ አመክኝቶ ለህዝብ ይፋ ያወጣውን ድብቅ ሚስጥር በአጭር ጊዜ ውስጥ ወደ ጋብቻ እንዲቀየር በማድረግ ለሚቀጥለው ሳምንት ሃሙስ  ሴብቴምበር እ ኤ አ 9/ 27/2012 በሂልተን ሆቴል የሰርጉን ስነ ስርአት እንደሚፈጽም ለማለዳ ታይምስ የደረሰው ዘገባ ያመለክታል ።ከአቶ መለስ ዜናዊ የቀብር ስነ ስርአት አንድ ቀን ቀደም ብሎ ለሰርጉ ስነ ስርአት የሚያስፈልገውን እቃዎች ሁሉ በሰሜን አሜሪካ ግዢውን አጠናቆ የሄደው ቴዲ አፍሮ ባለፈው ሳምንት ቢሆንም   በዚያው ሳምንት በሂልተን ሆቴል የነበረው የሙዚቃ ኮንሰርት ለረጂም ጊዜ የተያዘ ፕሮግራም እንደነበር የሚታወቅ ሲሆን በመንግስት ሃይሎች የመለስን መሞት በሃዘን ማሳለፍ አለባችሁ ብለው አገሪቱን አፍነው በመያዛቸው ፕሮግራሙ ሊተላለፍ እንደቻለ ተገልጾአል በዚህም ሳቢያ ለሚቀጥለው ሳምንት ሃሙስ በሚደረገው የሰርግ ስነ ስአርት ላይ አሁንም ችግር እንዳይፈጥሩ ህዝቡ ስጋቱን አሁንም ገልጾአል ።በዚህ የሰርግ ስነ ስርአት ላይ ታላላቅ አርቲስቶች ፣ታላላቅ ሰዎች ባለሃብቶች እና እንዲሁም የቅርብ ወዳጆቹ እና አብሮ አደጎቹ እንደሚገኙ ተጠቁሞአል ።ከሰርጉ ስነ ስርአት በኋላ የተለያዩ ኮንሰርቶችን ያደርጋል ተብሎ ቢጠበቅም ከአቡጊዳ ባንድ ጋር የሚያደርገው የሙዚቃ ስራ ግን በአሳሳቢ ደረጃ ላይ እንዳለ ነው ።በአቡጊዳ ባንድ እና በቴዲ አፍሮ በኩል መካከል በተነሳ የውስጥ ችግር ወይንም አለመስማማት ጉዳዩ ታፍኖ ቢቀርም አሁንም እልባት ያገኛል ተብሎ እየተጠበቀ ነበር ።ለዚህም እንደምሳሌ በስዊድን እና ሆላንድ የተሰረዘው ኮንሰርት እማኝነቱን ያሳያል ይላሉ  ።ሆኖም የአቡጊዳ ባንድ ለቴዲ አፍሮ የጻፉትን የአቋም መግለጫቸውን ሊቀበለው ስላልቻለ ከአስር አመታት በላይ ያለ ውል ሲሰሩ የነበሩት ባንዶቹ አሁን ግን የቆረጠላቸው ይመስላል ። የቀጣዩን የሙዚቃ ጉዞ አስመልክቶ ሰፋ ያለ ዘገባ ከሰርጉ በኋላ በሚኖረን መረጃ ይዘን እንቀርባለን የባንዶቹንም አጠቃላይ የአቋም መግለጫ  ከሚቀጥለው ሳምንት በኋላ ይዘን እንቀርባለን። ማለዳ ታይምስ

በነ እስክንድር ላይ አስገራሚ ውሳኔ ተላለፈ።በውርስ ያገኘው ቤት እንዲነጠቅ ተብሏል ዘገባው የደረጀ ሃብተወልድ ነው !

በነ እስክንድር ላይ አስገራሚ ውሳኔ ተላለፈ።
1-እስክንድር ነጋ ፦በስሙ ተመዘገበ ባለ አንድ ፎቅ ቤት እና <<በውርስ ከቤተሰቡ ያገኘው ‘ግራውንድ ፕላስ ቱ’ ቤት
2-አንዷለም አራጌ በስሙ የተመዘገበ አንድ መኪና እና
3-አበበ በለው በሚስቱ ስም የተመዘገበ <<ግራውንድ ፕላስ ዋን>> ቤት እንዲታገድ ተብሎ ነው ውሳኔ የተላለፈው።
ስለማውቀው ልናገር፦

በጣም የሚገርመው ነገር፤ እስክንድር ነጋ እናቱ ከማረፋቸው በፊት ቤታቸውን ሲያወርሱት፦” አልፈልግም !”በማለት ውርሱን ያልተቀበለ ሲሆን፤ አሁን እንዲታገድ የተባለው በውርስ የተገኘ ቤት የእርሱ ንብረት አለመሆኑ ነው።
በአጭሩ ላብራራ፦ውርሱ የሚገባው ለእሱ በመሆኑ ብቻ ሳይሆን፤ እናቱ በጣም የሚወዱትና የሚሣሱለት ብቸኛ ልጃቸው ስለሆነ ጭምር ሽማግሌዎችን ሰብስበው የቤቱን ኑዛዜ እንዲቀበል ይጠይቁታል። እስክንድር ግን ገንዘብና ንብረትን አስቀድሞ የናቀ ልጅ በመሆኑ ፤ ከአቋሙ ሊነቃነቅ አልቻለም። በመጨረሻም ቤቱ የአባቱ ልጅ ለሆነች እህቱ ተሰጠ። ውርሱ ለእሷ ጸና።
ዛሬ ይህ የእህቱ ቤት ነው እንዲታገድ የተወሰነው። የእስክንድር እህት፤እህት በመሆኗ ብቻ ንብረቷ ታገደባት። ከእስክንድር ቤተሰብ መወለዷ፤ እንደ ወንጀል ተቆጠረባት።ቤቷን አጣች።

ህወሃት አባይ ወልዱን ሊቀመንበር፤ ደብረጽዮንን ምክትል አድርጎ መረጠ

ምንጭ (ኢ.ኤም.ኤፍ) የህወሃት ሊቀመንበር የነበረው አቶ መለስ ዜናዊ ካረፈ በኋላ፤ ህወሃት እና ኢህአዴግ ሊቀመንበር ሳይኖረው መቆየቱ ይታወሳል። ኢህአዴግ አቶ ኃይለማርያም ደሳለኝ ሊቀ መንበር አድርጎ ሲመርጥ፤ ህወሃት (ህዝባዊ ወያኔ ሃርነት ትግራይ) ግን ያለ ሊቀመንበር ነበር የሰነበተው። ዛሬ አዲስ አበባ ላይ በተደረገው የህወሃት ስብሰባ፤ አባይ ወልዱ ሊቀመንበር፤ ደብረጽዮን ገብረሚካኤል ደግሞ የህወሃት ምክትል ሊቀመንበር ሆኖ ተመርጧል።



New TPLF leaders: Abay Woldu and Debretsion



አባይ ወልዱ፡ ከቀድሞ ታጋዮች መካከል አንደኛው ነው። በአሁኑ ወቅት የትግራይ ክልል ፕሬዘዳንት እና የህወሃት ምክትል ሊቀመንበር ነበር። መለስ ዜናዊ መታመሙ እንደታወቀም ሆነ፤ ከሞተ በኋላ ሊቀመንበሩን በቀጥታ ተክቶ የህወሃት አባላትን ስብሰባ ጠርቶ ሊቀመንበሩን መተካት ይኖርበት ነበር። ይህንን ባለማድረጉ ባለፈው የኢህአዴግ ስብሰባ ላይ ህወሃት ከሌሎች የዘር ድርጅቶች ይልቅ አንሶ እና ኮስሶ ነበር የታየው። በዚህም ምክንያት ህወሃት በኢህ አዴግ አመራር ውስጥ የነበረውን ይዞታ ማጣቱን የህወሃት አባላት በቁጭት እየተናገሩ ነው። የህወሃት ከፍተኛ ሰዎች ከነበሩት መካከልም፤ አቶ ስብሃት ነጋ… “መለስ ዜናዊ ህወሃትን ገድሎ ነው የሞተው” ሲሉ የሚናገሩትን የሚጋሩ ሰዎች አሉ። እንደ አቶ ስብሃት አነጋገር ከሆነ፤ “ሌሎቹ የኢህአዴግ ድርጅቶች በሰው ሃይል ተጠናክረው ሳለ፤ እኛ ግን ለጠቅላይ ሚንስትርነት የሚበቃ ሰው አላዘጋጀንም። መለስ ዜናዊም በህይወት በነበረበት ወቅት አዋቂ እና የተሻሉ የነበሩትን ሰዎች በሰበብ አስባቡ ሲያባርራቸው ነበር” በማለት እነ ጄነራል ጻድቃን ገብረትንሳይ እና ሌሎችንም ይጠቅሳሉ።
አሁን ዛሬ የተደረገው የህወሃት ስብሰባ ደብረ ጽዮንን ምክትል አድርጎ ከመምረጡ በስተቀር፤ አባይ ወልዱ ሊቀመንበር ሆኖ ሊመረጥ እንደሚችል ቀደም ተብሎም የተጠበቀ ነበር።