ንግድ ባንክ ለሼክ አል አሙዲ ፈቅዶት የነበረው የ850 ሚሊዮን ብር ብድር ታገደ

የኢትዮጵያ ንግድ ባንክ የዳይሬክተሮች ቦርድ በቅርቡ ለሼክ መሐመድ አል አሙዲ የፈቀደው የ850 ሚሊዮን ብር ብድር እንዲታገድ መወሰኑን የንግድ ባንክ ምንጮች ገለጹ፡፡ ንግድ ባንክ ይህን ብድር ለመስጠት ሲስማማ የማበደር አቅሙን አልፈተሸም፣ ዘንድሮ ከባንኩ ብድር የሚፈልጉ እንደ ስኳር ፕሮጀክቶች የመሳሰሉ የመንግሥት የልማት ዕቅዶች የብድር ፍላጎት በአግባቡ አልተጤነም፣ እንዲሁም በአንድ ጊዜ ለአንድ ተበዳሪ ከፍተኛ ገንዘብ ለመልቀቅ መወሰኑ አግባብ አለመሆኑ ስለታመነበት፣ ብድሩ ለጊዜው እንዲቆም መንግሥት መወሰኑን እነዚህ ምንጮች ገልጸዋል፡፡

ተበዳሪው ሼክ አል አሙዲ ብድሩን ለመውሰድ ጥያቄ ያቀረቡት ለአፍሪካ ኅብረት ለሚያሠሩት ባለአምስት ኮከብ ሆቴል ሕንፃ ሊፍት መግዣና መግጠሚያ ነው፡፡ ብድሩም በቀጥታ ሊሰጥ የታቀደው ሊፍቱን ለሚያስመጣው ኢኳቶሪያል ቢዝነስ ግሩፕ ለተባለው ሌላኛው የሼክ አል አሙዲ ኩባንያ ሲሆን፣ ንግድ ባንክ ለሊፍቱ ማስመጫ ራሱ ኤልሲ ከፍቶ ኮሚሽን ከማግኘት ይልቅ፣ በኤልሲ ኮሚሽን የሚያገኘውን ገቢ ትቶ በቀጥታ ለኢኳቶሪያል ቢዝነስ ግሩፕ ብድሩን ለማስተላለፍ መምረጡ፣ የብድር ክፍል ሠራተኞችን ያስገረመ ጉዳይ እንደሆነ የባንኩ ምንጮች ገልጸዋል፡፡

የኢትዮጵያ ንግድ ባንክ ዳይሬክተሮች ቦርድ ለሼክ አል አሙዲ ኩባንያዎች 942 ሚሊዮን ብር ብድር መፍቀዱን መዘገባችን የሚታወስ ሲሆን፣ ብድሩ የፀደቀው ሚድሮክ ኢትዮጵያ ፕሮጀክት ጽሕፈት ቤት ለሚገነባው የአፍሪካ ኅብረት ባለአምስት ኮከብ ሆቴል ሕንፃና ለማያ ፒፒ ከረጢት ፋብሪካ ግንባታ ነው፡፡ ለአፍሪካ ኅብረት ሆቴል ሕንፃ ማጠናቀቂያ 850 ሚሊዮን ብር ተፈቅዶ የነበረ ሲሆን፣ ለከረጢት ፋብሪካው ግንባታ ደግሞ 92 ሚሊዮን ብር ነበር ቦርዱ ያፀደቀው፡፡ ለብድር ማስመለሻ የተያዙት ዋስትናዎች (ኮላተራልስ) እየተገነቡ ያሉት የሆቴል ሕንፃና የከረጢት ፋብሪካዎች ነበሩ፡፡

ከአንድ አመት በላይ ለሚሆን ጊዜ ታፍኖ ቆየው ኢሳት ወደ ኢትዮጵያ የሚያስተላልፈውን የሙከራ ስርጭት ጀምሯል።

የኢትዮጵያ ቴሌቪዥን ኢሳት ወደ ኢትዮጵያ የሙከራ ስርጭት ጀመረ መስከረም ፲፮ (አስራ ስድስት) ቀን ፳፻፭ ዓ/ም ኢሳት ዜና:-በገዢው ፓርቲ አፈና ከአንድ አመት በላይ ለሚሆን ጊዜ ታፍኖ ቆየው ኢሳት ወደ ኢትዮጵያ የሚያስተላልፈውን የሙከራ ስርጭት ጀምሯል። ከኒው ሆርን ቴሌቪዥን የአየር ስርጭት በመግዛት በሚቀጥሉት ቀናት ሙሉ ስርጭቱን የሚጀምረው ኢሳት፣ በቅርቡ ተጨማሪ የራሱ ሙሉ የስርጭት ጊዜ

ይኖረዋል። አዲሱ ስርጭት በኤ ቢ 7 በ7 ዲግሪ ዌስት ላይ በ 10815 ሜጋ ሀርዝ፣ በ27 ሺ 500 ሜትር ባንድ ሲምቦል ሬት፣ በ5 ስድስተኛ
ኤፍ ሲ ይተላለፋል። ማንኛውም ኢትዮጵያዊ ናይል ሳትን በመክፈት ስርጭቱን በቀላሉ ለማግኘት ይችላል። ተጨማሪ መግለጫዎችን ሙሉ ስርጭቱ
እንደተጀመረ እንሰጣለን።ባሳለፍነው አመት በአቶ መለስ ዜናዊ አገዛዝ የኢሳት ቴሌቪዥን ለሃገሪቱ ይሰጥ የነበረው የአገልግሎት ስርጭት በአሸባሪነት በመወንጀል  ስርጭቱን እንዲታፈን ማድረጋቸውን በተለያዩ የመረጃ  ተቋማት  መዘገቡን ይታወሳል ሆኖም የኢትዮጵያ መንግስት በሃገሪቱ የሚያደርገውን የመረጃ አፈና ከጊዜ ወደጊዜ እየቀጠለ በመምጣቱ  ብዙ የነጻ ጋዜጦችም ባሳለፍነው አመት መዘጋታቸው እርግጥ ነው ።በዚህ ሳምንት በተጀመረው  ዘመቻ ነጻነት በሚለው የመረጃ መለዋወጥ ሃሳብ ነጻነትን የሚያራምድ አቋም በሃገሪቱ እንዲያንሰራፋ በማለት በነጻነት ጋዜጣ አሳታሚዎች መጀመሩን የደረሰን ዘገባ ያመለክታል ።በተለይም ለማለዳ ታይምስ የደረሰው ወቅታዊ መረጃ በኢትዮጵያ ውስጥ የኢትዮጵያኖችን የመረጃ ማእከሎችን ብቻ ሳይሆን ከግብጽ እና ከኢንዶኔዢያ እየታተመ በዌብሳይት መገናኛ ስርጭት ላይ የዋለውንም ቢኪማሳር የተሰኘውን ዌብሳይት መዝጋታቸው የሚታወቅ ሲሆን ይህንን ዌብሳይት የሙስሊሞችን ወቅታዊ ጥያቄ በተከታታይ ሲዘግብ በመገኘቱ ኢትዮጵያ ውስጥ እንዳይታይ ማድረጋቸው ይታወቃል ሆኖም ግን ይህንን አስመልክቶ እና በስውድናውያን ጋዜጠኞች ጥያቄ እና መልስ ላይ ከፍተኛ ትኩረትን ወደ ኢትዮጵያ መንግስት ያደረገው ይሄው ሚዲያ አሁንም ድብቁን ሚስጥር ከመናገር ወደኋላ አንልም ሲሉ ሃተታቸውን በትላንትናው እለት አስፍረዋል  በዚህም ዘገባ ተከፈተ ወይንም አየር ኦን የሚል ፎቶ በመለጠፍ ሪፖርታቸው በመገናኛው ሽፋን ላይ ያተኮረ ዘገባ አትተዋል። ሆኖም የአዲሱ ጠቅላይ ሚንስትር የዚህ መረጃ ማእከል ለዘብተኛ ሆነው ሁሉንም የመረጃ ድርጅቶች ክፍት ያደርጋሉ ተብሎ የሚጠበቅ ሲሆን የህትመት ዋጋዎችን እና የደህንነት ሚንስቴር የግል ሚዲያዎችን ክትትላቸውን እንዲያቆሙ ያሳውቃሉ ተብሎ የሚጠበቁ ሰው መሆናቸውን እና የነጻነት አርአያ ይሆናሉ ተብሎ ይገመታሉ ። ለዚህ ደግሞ ትልቅ እና ፈታኝ ስራ ይጠብቃቸዋል ።መረጃዎች ሁሉ ወደ ኢትዮጵያ ይፈሳሉ አፈና ሁሉ ይቅር ይላል የማለዳ ታይምስ ዝግጅት ክፍል ።

ቴዲ አፍሮ በሰርጉ ቀን ለአካል ጉዳተኞች በብሄራዊ ቴአትር 100.000 ሺህ ብር ለገሰ ሌሎችም ድንቃድንቅ ስጦታዎች ከአድናቂዎቹ እና ከወዳጆቹ ተሰጠው

ጣቱ ድምጻዊ ቴዲ አፍሮን የማይወድ እና የማያደንቅ ወጣት አዛውንት የለም ሆኖም ይህንን የሰርጉን ቀን አስመልክቶ ወዳጅ ዘመዶቹ ታላቅ የደስታ ቀናቸው ነበር ።በዛሬው እለት የተፈጸመው ይህ ሰርጉ ደማቅ ከመሆኑም በላይ ታሪክ የተሰራበት እለት መሆኑን ታዳሚዎቹ ገልጸዋል ።ብዙ አርቲስቶች የተሳተፉበት ይህ የሰርግ በአል የእርሱን ኩራትም ሆነው በሰርጉ እለት አሳይተውታል። ቴዲ አፍሮ ለውዱ ባለቤቱ እሱ ከመድረክ ላይ ሆኖ ሙሽሪት ከሚዜዎቿ ጋር ከመድረክ ስር እየጨፈረች ጸባየ ሰናይ የሚለውን ዘፈኑን አቀንቅኖላታል ።ከዚያም በላይ አለማየሁ እሸቴ አዲስ አበባ ቤቴ የሚለውን ዘፈን ሲዘፍን ተሰምቷል በዚህም ዘፈን ላይ መድረክ ላይ በመውጣት የጋራ ዳንሳቸውን አሳይተዋል ።በመጨረሻም የሰርግ ዘፈን ሲዘፈን በታዳሚው ፊትለፊት እየተሳሳሙ የፍቅር ጉያቸውን በሞቀ ትንፋሻቸው አሙቀውታል ሌሎችም የሙዚቃ ባለሙያዎች ስራዎቻቸውን ያቀረቡ ሲሆን ከሰአት ማጠር የተነሳ ሃይልዬ ታደሰ እና ታምራት ደስታ ብቻ ሳይዘፍኑ ፕሮግራሙ ተጠናቆአል ።ይህ የቴዲ አለም ዛሬ ታላቅ ቀን ነበር ያሉት ታዳሚዎቹ ቴዲ ለዚህች አገር እና ለሙዚቃ ወዳጆቹ ብዙ መሰዋእትነትን ከፍሎአል አሁንም በዚህ ክብረ በአሉ ላይ ወዳጆቹ መንገዶችን ሞልተው ሞተር ሳይክል አሸከርካሪዎች በተለያዩ ሾዎች እያሳዩ ፍቅራቸውን ለግሰውታል አድናቆታቸውንም ቸረውታል ።ከዚያ በተለየ መልኩ ሻንበል እና ሰአሊ ለማ ጉያ አስደናቂ የሆነ ስጦታ ለቴዲ አፍሮ ቴዲ ስጦታ ያወረሱት ሲሆን ከስእሎቻቸው መሃል ለዚህ ለሰርጉ ቀን ተብሎ የተሳለ የአጼ ቴዎድሮስን ስእል ከአንበሳ ጋር ያለበትን ታላቅ ስጦታ ሲያበረክቱለት የህዝቡ ስሜት ታላቅ ነበር ብለዋል ።በተለይም ለማለዳ ታይምስ የደረሱት ሪፖርቶች እንደሚያመለክቱት ከሆነ በዚህ ስጦታ ላይ ተዲ ሳቅ እና ለቅሶ  ሲታይበት ሰአሊውን አቅፎ ለረጂም ሰአት ስሟቸዋል። ኢዮብ መኮንን (ብረባም ባልረባም ትወጂኛለሽን) ሲያቀነቅን ጎሳዬ ተስፋዬ ከራሱ ዘፈኖች እና ከቴዲ ዘፈን ዘፍኖአል ሸዋንዳኝ የቀረብኝ የለም ሲል አለማየሁ እሸቴ አዲስ አበባ ቤቴ ብሏል ታደለ ገመቹ ኦሮምኛ ሲያዘም ግርማ ካሳ ፣ተሾመ ወልዴ አበጋዝ ክብረ ወርቅ ፣ዳግማዊ አሊ ፣ሳምሶን ጃፋር ፣ፋሲል ውሂብ፣አሸናፊ አሊ ፣አቡጊዳ ባንድ ፣ኤክስፕረስ ባንድ፣ ክብረት ዘኪዎስ ፣ታምራት ሃይሉ (ቁም ነገር መጽሄት) :ታምራት ደስታ
እና ሃይልዬ ታደሰ የመድረኩ አጋፋሪዎች ነበሩ ።ከላይ እንደጠቀስነው በፕሮግራሙ መጣበብ ምክንያት ሃይልዬ እና ታምራት ብቻ ሳይዘፍኑ የሰርጉ ሁኔታ ተጠናቆአል።ሁሉም አርቲስቶች በጣም ተደናቂ የሆኑትን እና በህዝብ ዘንድ ተወዳጅ ዘፈኖቻቸውን አቅርበዋል።
በዚህ የክቡር ቀን ለአካል ጉዳተኞች የአንድ መቶ ሺህ ብር በብሄራዊ ቴአትር ጋር ማስረከቡን ይበልጥ ኩራት ለህዝቡ ሆኖታል ፣የአካል ጉዳተኞችም ደስታቸውን እና የሰርጉን ድምቀት ሆነውት አልፈዋል ።

ማለዳ ታይምስ

ልጆቻቸውና “ቀዳማዊ እመቤቶቻችን” – ከሮቤል ሔኖክ

(በዲዛይኑ ላይ የተጻፈው የማይነበብ ከሆነ በሚል ስጋት ከታች በጽሁፍ አቅርበነዋልና ያንብቡት።)

ከሮቤል ሔኖክ (ምንጭ ዘ-ሐበሻ ጋዜጣ ቁጥር 43)

ስልጣን expired date ይኑረው ብሎ ነበር በ እውቀቱ ስዩም በአንድ ትረካው ላይ። የመለስ የስልጣን expired date በፍቃድ ላይ የተመሰረት አልነበረም። በእግዚአብሔር ጥሪ እንጂ። ያም ሆነ ይህ ኢትዮጵያ ጃዋር መሀመድ እንዳለው “ኢትዮጵያ ቢያንስ ለሚቀጥሉት 3 ዓመታት ተሳዳቢ ጠ/ሚ/ር አይኖራትም”። ከአቶ መለስ ሞት በኋላ የመጣውን ለውጥ እንዲህ በቀላሉ አንመለከተውም። ለውጡ በብዙ መልኩ ነው። ከነዚም መካከል የመሪዎቻችን ቤተሰቦች ይጠቀሳሉ። እኛ እናሳይዎ – እርሶ ደግሞ ለውጡን በመቁጠር ያግዙን።

ሰምሃል
መለስ ዜናዊ

ውጭ ሃገር የምትማረው የቀድሞው ጠ/ሚ/ር አቶ መለስዝ ዜናዊ ሴት ልጅ ሰምሃል መለስ እንደምታይዋት ሽጉጥ ይዛ ነው። በ እረፍት ጊዜዋ ወደ ጦር ካምፖች በመሄድ መሳሪያ መተኮስ ስትለማመድ የተለያዩ ፎቶ ግራፎች በተለያዩ ጊዜያት ወጥተው እንደነበር እናስታውሳለን።

“ወደ ፍቅር” የቴዲ አፍሮ ኮንሰርት በጥቅምት ይካሔዳል

“ወደ ፍቅር” የቴዲ አፍሮ ኮንሰርት በጥቅምት ይካሔዳል
September 23, 2012   ·

በጠቅላይ ሚኒስትር መለስ ዜናዊ ዕረፍት ምክንያት ድንገተኛ ሞት ተሰርዞ የነበረው የድምፃዊው ቴዎድሮስ ካሳሁን (ቴዲ አፍሮ) ኮንሰርት ጥቅምት 3 ቀን 2005 ዓ.ም. በግዮን ሆቴል ሊካሔድ ነው፡፡

ኮንሰርቱን ለማከናወን ታስቦ የነበረው በአዲስ ዓመት ዋዜማ ቢሆንም፣ ወዲያውም ተሰርዞ ላልተወሰነ ጊዜ ከተላለፈ በኋላ በመጨረሻም ቀን ሊቆረጥ ችሏል፡፡

ቴዲ መጨረሻ ላይ ካወጣው ጥቁር ሰው አልበሙ በኋላ የሚደረገው ይኼ ኮንሰርት ኢትዮጵያ ውስጥ የመጀመርያው ይሆናል፡፡ አርቲስቱ ከዚህ አልበም መውጣት በኋላ በእንግሊዝ ኮንሰርት አዘጋጅቶ የነበረ ሲሆን፣ ብዙ ታዳሚዎችም እንደተገኙበትም ለመረዳት ተችሏል፡፡

“ወደ ፍቅር” የሚል ስያሜ የተሰጠው ኮንሰርቱ 15‚000 ያህል ታዳሚዎችም ዝግጅቱን እንደሚከታተሉ አዘጋጆቹ ይጠብቃሉ፡፡ ቴዲ አፍሮ በአቡጊዳ ባንድ አጃቢነትም ምሽቱን እንደሚያደምቀው ይጠበቃል፡፡ የኮንሰርቱ የቲኬት ሽያጭ መስከረም 15 ቀን 2005 ዓ.ም. ይጀምራል፡፡ የቲኬቱም ዋጋ 400 ብር ሲሆን ቪአይፒም 800 ብር ነው፡፡ የቲኬቱ ሽያጭም ከዝግጅቱ በፊት እንደሚያልቅ አዘጋጆቹ ይናገራሉ፡፡

አቶ አሸናፊ ዘለቀ የአዲካ ኢቨንትስና ኮሚዩኒኬሽን ዋና ሥራ አስኪያጅ ለሪፖርተር እንደገለጹት፣ የሚዋብበት ዲዛይን የአልበሙን (ጥቁር ሰው) ጭብጥ የያዘ ነው፡፡ በዚህ ዝግጅት ላይ ቴዲ ጥቁር ሰው ከሚለው አልበሙ የሚዘፍን ሲሆን ከዚህ ቀደም ከወጡት አልበሞች የተወሰኑ ዘፈኖችንም እንደሚዘፍን ይጠበቃል፡፡ አዘጋጆቹ እንደገለጹት ይኼ ዝግጅት ለጥቂት ደቂቃዎች ያህል በኢቢኤስ ቴሌቪዥን በቀጥታ ይተላለፋል፡፡

ተደናቂነትንና ተወዳጅነትን ያተረፈው ቴዲ አፍሮ አራት አልበሞች ያሉት ሲሆን፣ ጥቁር ሰው በተባለው የመጨረሻው አልበሙ በኢትዮጵያ ሙዚቃ ታሪክ ውስጥ አዲስ የሽያጭ ሬኮርድ ማስመዝገብ ችሏል፡፡ ቴዲ አፍሮ በቅርብ ጊዜያት ውስጥ የራሱ ኮንሰርት ያልነበረው ሲሆን፣ አንዳንድ ኮንሰርቶች ላይ ግን እንግዳ በመሆን ዘፍኗል፡፡ ይሔ ኮንሰርት በጉጉት መድረክ ላይ ሊያዩት የሚጠብቁትን አድናቂዎቹን አንድ ላይ እንደሚያገናኝ ይጠበቃል፡