የትግሉ ነውሕይወቴ

 ለዘመና፡በጭቆና፡ማጥበግፍታስሬ                                                                                      መብቴን፡ላስከብር፤ጨቋኝን፡ልሽር፡ተነስቻለው፡ዛሬ                                                                             ይኸው፡ታጥቄአለው፡ዛሬ።                                                                                                                                    ባንድ፡ እንደሚነሳ፡ተበዝባዥ፡ሁሉ፤ለማያጠራጥር፡ድል።                             ፍፁም፡ነው፡ እምነቴ 

          የትግሉ፡ነው፡ሕይወቴ                                                                                                ልጓዝ፡በድል፡ጎዳና                                                            በተሰውት፡ጓዋዶች፡ፋና                                                                       ቢወቀጥ፡አጥቴ፡ቢንቆረቆር፡ደሜ፡                                                            ላዲስ፡ስርአት፡ልምላሜ                                                                      ፍፁም፡ነው፡እምነቴ 

የትግሉ፡ነው፡ሕይወቴ                                                                                                 ልጓዝ፡በድል፡ጎዳና                                                                   በተሰውት፡ጓዋዶች፡ፋና                                                                                       የመደብ፡የብሄር፡ጭቆና፤ኢምፔራሊዝም፡ብዝበዛ                                                     እስከማጠፋ፡ትግሌን ፡ልቀጥል፤ በጠባቦች፡ላልገዛ[በፋሽስቶች] ላልገዛ፡በበዝባዦች ፡ላልገዛ።                 ርሀብ ፡አይፈታኝም፦ችግር፡አይፈታኝም፡ከግቤም፡አይገታኝም። ፍፁም፡ነው፡እምነቴ 

የትግሉ፡ነው፡ሕይወቴ                                                                                                 ልጓዝ፡በድል፡ጎዳና                                                                   በተሰውት፡ጓዋዶች፡ፋና                                                                           ቢወቀጥ፡አጥቴ፡ቢንቆረቆር፡ደሜ፡                                                            ላዲስ፡ስርአት፡ልምላሜ                                                                         ፍፁም፡ነው፡እምነቴ 
የትግሉ፡ነው፡ሕይወቴ                                                                                                 ልጓዝ፡በድል፡ጎዳና                                                                   በተሰውት፡ጓዋዶች፡ፋና                                                                  ለህዝቡ፡ታማኝ፡አገልጋይ፡ንኝ                                                                     የሰርቶ፡አደሩ[የኢትዮጵያ፡ህዝብ]ወታደር።                                                  ብረት፡አነሳሁ፡ለትግል፡ተነሳሁ።                                                                  ጠላት፡ይፍራ፡ይሸበር፤ያድርባይ፡ቅስሙ፡ይሰበር።                                       ቢወቀጥ፡አጥቴ፡ቢንቆረቆር፡ደሜ፡                                                            ላዲስ፡ስርአት፡ልምላሜ                                                                     ፍፁም፡ነው፡እምነቴ 

የትግሉ፡ነው፡ሕይወቴ                                                                                                 ልጓዝ፡በድል፡ጎዳና                                                                   በተሰውት፡ጓዋዶች፡ፋና                                                                ቢወቀጥ፡አጥቴ፡ቢንቆረቆር፡ደሜ፡                                                            ላዲስ፡ስርአት፡ልምላሜ                                                                    ፍፁም፡ነው፡እምነቴ 

የትግሉ፡ነው፡ሕይወቴ                                                                                                 ልጓዝ፡በድል፡ጎዳና                                                                   በተሰውት፡ጓዋዶች፡ፋና                                                      

                  

አቶ ጁነይዲን ሳዶ ሂስ በማውረድ ጥፋታቸውን አመኑ፤ ወ/ሮ አስቴር ማሞ ከፌዴራል ኃላፊነታቸው ይነሳሉ

በዘሪሁን ሙሉጌታ (ሰንደቅ ጋዜጣ)
የኦሮሞ ሕዝቦች ዴሞክራሲያዊ ድርጅት (ኦህዴድ) ሰሞኑን በአዳማ ሲያካሂደው የቆየውን የድርጅቱን የማዕከላዊ ኮሚቴ መደበኛ ስብሰባ ተከትሎ በተካሄደ ግምገማ በተጓደሉ አራት የድርጅቱ የሥራ አስፈፃሚ አባላት ምትክ አዳዲስ አባላትን ሾሟል።
ድርጅቱ ቀደም ሲል ባካሄደው ግምገማ የአመራር ውስንነት ታይቶባቸዋል ከተባሉት መካከል የክልሉ ንግድና ኢንዱስትሪ ቢሮ ኃላፊ አቶ ለማ መገርሳ፣ የክልሉ የግብርና ቢሮ ኃላፊ አቶ ዘላለም ጀማነህ እንዲሁም የትራንሰፖርት ሚኒስትር ዲኤታ አቶ አለማየሁ እጅጉ እና በሰሞኑ ስብሰባ የተገመገሙት የሲቪል ሰርቪስ ሚኒስትሩ በአቶ ጁነይዲን ሳዶ ምትክ አዳዲስ አባላትን ተክቷል።
የተተኩት አዳዲስ የሥራ አስፈፃሚ አባላት ደግሞ የቱምሳ ኢንዶውመንት ኃላፊ አቶ አበራ ኃይሉ፣ የምስራቅ አርሲ ዞን ዋና አስተዳዳሪ አቶ አብዱልቃድር የምስራቅ ሐረርጌ ዞን ዋና አስተዳዳሪ አቶ
ኑሬ ቀመር እና የሰሜን ሸዋ ዞን ዋና አስተዳዳሪ አቶ ሰለሞን ጉቾ ናቸው።
በሕዝብ ተወካዮች ም/ቤት የመንግሥት ተጠሪ ሚኒስትር የነበሩት ወ/ሮ አስቴር ማሞ በፌዴራል ደረጃ ካላቸው የሥራ ኃላፊነቶች ተነስተው በክልሉ እንዲሰሩ መመደባቸው ታውቋል። በዚህ ውሣኔ መሠረት በአቶ ኃ/ማርያም ደሳለኝ አዲስ ካቢኔ ውስጥ እንደማይካተቱ ከወዲሁ የተረጋገጠ ሆኗል።
ድርጅቱ የ2004 የስራ አፈፃፀም ግምገማና በሌሎች ርዕሰ ጉዳዮች ላይ ሰፊ ውይይትና ክርክር ማድረጉ የተዘገበ ሲሆን በተለይም አቶ ጁነይዲን ሳዶ የግምገማው ቁልፍ ሰው ሆነው ታይተዋል። አቶ ጁነይዲን በተወለዱበት አካባቢ የወላጅ እናታቸውን ኑዛዜ ለመፈፀም ሲሉ ካሰሩት መስጊድ ጋር በተያያዘ ባለቤታቸው ከሳዑዲ ዓረቢያ ኤምባሲ ገንዘብና የተለያዩ የቁርአን መፃህፍቶች ይዘው ሲወጡ በፌደራል ፖሊስ መያዛቸውና ከሽብርተኛ ቡድን ጋር በማበር ተጠርጥረው መታሰራቸው ይታወሳል፤ አቶ ጁነይዲንም ባለቤታቸው ንፁህ መሆናቸውን በመጥቀስ ለሰንደቅ ጋዜጣና ለኢትዮ ቻናል ጋዜጣ መልዕክት በመላክ ጭምር ተከላክለዋል።
ድርጅቱም በዚሁ ጉዳይ ሰፊ ውይይትና ክርክር ካደረገ በኋላ አቶ ጁነይዲን ጥፋተኛ ሆነው በመገኘታቸው ከስራ አስፈፃሚ አባልነት በማንሳት በተራ አባልነት እንዲቀጥሉ አድርጓል። አቶ ጁነይዲንም ቀደም ሲል የተፈፀመው ተግባር ሲከላከሉ ቢቆዩም በፓርቲው ግምገማ ላይ ግን ጥፋታቸውን በማመን በድርጅቱ የግምገማ ባህል መሠረት “ሂሳቸውን አውርደዋል” ሲሉ የድርጅቱ ምንጮች ገልፀዋል።

ወ/ሮ አዜብ ፈርሃታቸውን ገለጡ ከህዝብ በላይ ነኝ በማለት እራሳቸውን ሲያቆለጳጵሱ ተሰምተዋል

አዜብ መስፍን ፈርተዋል!!
“የተሰጠኝ ቤት ለደኅንነቴ አያመችም፣ ለፕሮቶኮሌን አይመጥንም”


መለስ የሚያቆላምጧቸው ወ/ሮ አዜብ ለመቀማጠልና ለደኅንነታቸው በመስጋት ቤተመንግሥቱን “አልለቅም” ማለታቸውን የጎልጉል ምንጮች አረጋገጡ። የአዲስ አበባ መረጃ አቀባዮቻችን እንደሚሉት ከሆነ የቀድሞዋ “ቀዳማዊት እመቤት” ሶስት ቪላዎች እንዲያማርጡ ቢለመኑም አሻፈረኝ በማለት ባነሱት የደኅንነት ጥያቄ ገፍተውበታል።
ከህወሓት መከፈል በኋላ አቶ መለስ ህወሓትን በመዳፋቸው ውስጥ ሙሉ በሙሉ መቆጣጠራቸውን ተከትሎ ገንነው የወጡት ወ/ሮ አዜብ የተባረሩት፣ የተባረሩት ደጋፊዎችና የህወሓት ከፍተኛ አመራሮችን ጨምሮ ኢህአዴግ ውስጥ ጥርስ የነከሱባቸው ይበረክታሉ። የሥልጣን እርከን በመጣስ ከሚያደርጉት ጣልቃ ገብነት በተጨማሪ ለሚያካሂዱት የንግድ ስራ ሲሉ መመሪያ በመስጠት፣ የማይፈልጉትንና አልታዘዝ የሚሉዋቸውን ባለሥልጣናት በማስገደድ፣ በተለይም ተወላጅ ሳይሆኑ በህወሓት አመራሮች ላይ ሲያሳዩ የነበረው የበላይነት ዛሬ አደጋ እንዳመጣባቸው የዜናው ምንጮች ይናገራሉ።

የመለስን በጠና መታመምና ይፋ ያልተገለጸ ሞት ተከትሎ፣ ከዚያም “የውድ ባለቤታቸው” ህልፈት ይፋ በሆነ ማግስት፣ ብዙ የተወራባቸው ወ/ሮ አዜብ፣ ባለቤታቸውን “ሲሰናበቱ” የባለቤታቸውን የፖለቲካ አቅጣጫ “ውርስ” የማይበረዝ ከሆነ እንደሚገፉበት የተጠቆሙበትን ቃል አቶ ሃይለማርያም በቀጥታ ቃል በቃል መድገማቸው ወ/ሮ አዜብን “አሁንም የሚደፍር የለም” የሚል አስተያየት እንዲሰነዘር አድርጎ ነበር።

በወቅቱ አንደ አንድ ጉሊት ቸርቻሪ፣ ችግር እንደ ገረፋት ቅጠል ሻጭ እናት “ልጆቼን በማሳደግ እፈተናለሁ” በማለት ሲናገሩ መሳለቂያ የሆኑት ወ/ሮ አዜብ ኢህአዴግ ውስጥ እየጋመ ያለው የውስጥ ለውስጥ ኃይል የማሰባሰብ ሩጫ “ደመራው” ወደ የትኛው ወገን እንዳዘነበለ ባልታወቀበት ሁኔታ ተወጥረው ተይዘዋል።

በለገጣፎ ገሃነምና ገነት አየሁ! “በኔ ዘመን የኦሮሞ ልጆች እንዳይታሰሩ አድርጌያለሁ” ጁነዲን

“የኦሮሞ እንግዴ ልጅ” በሚል ስያሜ የሚጠራው ኦህዴድ በ1997 መስቀለኛ ጥያቄ ቀርቦለት ነበር። ጥያቄውን ያቀረቡት አንድ በዕድሜ ጠና ያሉ አዛውንት ነበሩ። ጥያቄው የቀረበው አዳማ /ናዝሬት/ ቀበሌ 11 አዳራሽ ውስጥ ነበር። ተጠያቂው የወቅቱ የኦሮሚያ ክልል ፕሬዚዳንት አቶ ጁነዲን ሳዶ ሲሆኑ ስብሰባው የተጠራው “ለምን አልመረጣችሁንም” በሚል ኦህዴድ ከህዝብ ጋር ያለውን ችግር ለመፍታት ታስቦ ነበር።

“ኦነግ ኦሮሞ ነው። እናንተም ኦሮሞ ከሆናችሁ ለምን አንድ አትሆኑም? እናንተ አንድ ብትሆኑ ልጆቻችን አይታሰሩም፣ አይገረፉም፣ አይሰቀሉም፣ የደረሱበት እየጠፋ ሃዘን አንቀመጥም፣ ኦሮሞ እስከመቼ ይታሰራል?” የሚል ጥያቄ ያቀረቡት አባት ንግግራቸውን መጨረስ አልቻሉም ቤቱ በጭብጨባ ተናወጠ።

“በኔ ዘመን የኦሮሞ ልጆች እንዳይታሰሩ አድርጌያለሁ። በድሬዳዋና በቦረና በኩል የገቡትን ኦነጎች ድጎማ በመስጠት አርሰው እንዲበሉ አድርጌያለሁ። አሁን የምትናገሩትን በሙሉ አላውቅም” የሚል መልስ ሲሰጡ ቤቱን ሁከት ሞላው። ስም እየጠቀሱ የታሰሩ፣ የተሰወሩና የተገደሉትን ተሰብሳቢዎቹ በየተራ ተናገሩ። “በሌሊት የማናውቃቸው ሰዎች በራሳችን ወንድሞች እየተመሩ ይበረብሩናል። አሁን እናንተ ለኦሮሞ ትቆረቆራላችሁ?” ጥያቄው ዘነበ። እንደፈለጉ እንዲናገሩ ክፍት በሆነው መድረክ ሙስናም ተነሳ። የአርሶ አደሩ መሬት መቸብቸቡ ተጋለጠ። ለሶላት አንሄድም በማለት አዳራሽ ውስጥ ጸሎታቸውን አድርሰው ጁነዲንን ሞገቱ። ሰሞኑን ይፋ የሆነውን ግምገማና ውሳኔ አስመልክቶ የጎልጉልየአዲስ አበባ ዘጋቢዎች ያነጋገሩዋቸው ወደኋላ ተመልሰው ያነሱት አስተያየት ነበር። “መሬታችሁ አይነካም። ፊንፊኔ መቼም ቢሆን የኛ ናት። ነፍጠኛ የጫነ ሌጣ ፈረስ አትመልከቱ። ሌጣ ሌጣ ነው” ያሉት አቶ ጁነዲን ቀጣዩ እጣቸው ምን ይሆን?

ያልተመጣጠነ ግጥሚያ

ጠቅላይ ሚኒስትር የነበሩት ታመዋልም ሞተዋልም በሚማልበት ሰአት  ሎጋው ሽቦ ተዘፈነ …

የርዕሰ ብሄር መለስ ዜናዊ ሞት ይፋ በሆነበት ሰአት ደግሞ ብር አንባ ሰበርልዎ ተብሎ ሲዘፈን በሰፊው ተሰማ…

ኃይለማርያም ደስ አለኝ ቦታው ተፈቅዶላቸው ሀገር ወከሉ ተብሎ ሲታወጅ አስገራሚው ዘፈን አላቆመም የቤተ  ዘመዱ ይታያል ጉዱ ይባል ተገባ…

*****************************************************************************************************

አጋጣሚ የፈጠረውን ፖለቲካዊ ግርግር በጥበብ ተጠቅሞ በፖለቲካው እንቅስቃሴ ውስጥ የመደራደሪያ አቅም በማበጀት ወይም አቅም በመገንባት አማራጭ ሀይል መሆንን ከማሳየት ፋንታ በቀረርቶና በሽለላ የጨዋታውን ህግ ለመቀየር መመኘት የምኞት ሁሉ መናኛ ቢባል ያስነውር ይሆን?

በትግል አጋሮቻቸው ከአንድ ነፍስ በላይ እንዳላቸው የተስተናገዱት ጠቅላይ ሚኒስትሩ ለመጨረሻ ጊዜ የስጋቸውን ነፍስ ተሰናብተው በአጥንታቸው ላይ በቀረው ነፍስ ተንገዳግደው ደቡብ አሜሪካና ሜክሲኮ ብቅ ብለው ነበረ።

ታዲያ ከወዳጃቸው ከቻይናው መሪ ጋር ተጨባብጠው እስከ ወዲያኛው በተሰነባበቱበት ወቅት አጥንታቸው ከስጋቸው መለያየቱን ያላስተዋለ የኮምፒውተር ቆዛሚ አለ ብየ አላምንም።

በዚያን ወቅት በውጭ የሚገኙት የፖለቲካ ጥበብ ያልዞረባቸው ተቃዋሚዎች መንግስት የተገለበጠ መስሏቸው ተዋግቶ ነፃ መሬት እንደያዘ የደፈጣ ተዋጊ ዘራፍ በማለት የተለመደው ምስቅልቅል የፖለቲካ አመራር ከየአቅጣጫው ይጎርፍ ጀመረ።

ሰውየውም ያላቸውን ነፍስ በሙሉ አሟጠው ካመለጡም በኋላ ይህንን ማመን የከበዳቸው ጓዶቻቸው የጠቅላይ ሚኒስትሩን ሬሳ አልሞትክም ብለው ሲክዱ፥ ህዝቡን ደግሞ መሪያችን አልሞቱም በማለት ገገሙ።

ይህም ሆኖ መሪያችው የሚሞት ስጋ ለባሽ መሆናቸውን መቀበል ያቃታቸው እስከሚመስል ድረስ ተደናግጠው በነበረበት ወቅት የመሪያቸውን ሞት በመካድ የመረጋጊያ ግዜ ገዝተው የተቃዋሚዎቻቸውን እንቅስቃሴ በትጋት መከታተል ጀመሩ።

ፖለቲካ የፉክክር ጨዋታ መሆኑን እንጂ የመጫወቱ ተሰጥኦ እምብዛም ያልተካኑት ከሀገር ውጭ የሚገኙ ተቃዋሚዎች ታዲያ የተሸበረው መንግስት ጊዜን ለመግዛት በመረጠው ሜዳ ሲያሰልፋቸው በተርታ ተኰልኩለው የመለስ ዜናዊን ዜና እርፍት ለነበረከት ስምኦን ለማሳመን ያላሉትና ያልሰማነው ትንታኔ የለም እንግዲህ ይህንን ስንል ፉከራውንና ሽለላውን ትተነው ነው።