አክሱምን ወላይታ አገኘሁት!!!

(ናትናኤል ፈለቀ)

December 31, 2012 04:43 am By Editor Leave a Comment

ኅዳር 12 ቀን 2005 ዓ.ም በሥራ ጉዳይ ወደ ጋሞ ጎፋ ዞን ዋና ከተማ አርባ ምንጭ መሄድ ነበረብኝ፡፡ ለሁለት ቀን ተኩል የሚበቃኝን  ሸክፌ ከመሥሪያ ቤቴ በተመደበልኝ መኪና ከቀኑ 8፡00 ሰዓት ላይ ለሚነሳው በረራ ለመድረስ ወደቦሌ ዓለም አቀፍ አየር ማረፊያ ጉዞ ጀመርኩ፡፡ በቅዱስ ኡራኤል ቤተ ክርስቲያን በኩል ወደ ቦሌ የሚወስደውን መንገድ ይዘን ስንጓዝ ከመንገዱ ግራ እና ቀኝ ላይ የተደረደሩት የፌደራል ፖሊስ አባላት አቀባበል ወይንም ሽኝት የሚደረግለት ባለሥልጣን/እንግዳ እንዳለ ስለጠቆመኝ መንገዱ ሳይዘጋ ቦሌ ለመድረስ ጥረት እንዲያደርግ ለሹፌሩ ጠቆምኩት፡፡ ብዙም ሳንጓዝ አትላስ ሆቴል የትራፊክ መብራት ላይ ስንደርስ በስፍራው የነበሩት የትራፊክ ፖሊሶች ወደ ቺቺንያ ወይንም ወደ ቦሌ ሩዋንዳ የሚወስደውን መንገድ እንድንጠቀም አስገደዱን፡፡ ወዲያውኑ ሰዓቴን ተመለከትኩ፤ ለሰባት ሰዓት ሩብ ጉዳይ ይላል፤ ብዙም አልተረበሽኩም፡፡ በስተቀኝ በኩል ታጥፈን በውስጥ ለውስጥ አቋራጭ መንገድ ጥቂት ከሄድን በኋላ መልሶ ዋናውን መንገድ ስላገናኘን መኪናውን አቁመን እንግዳውን እስኪያልፍ መጠባበቅ ጀመርን፡፡

በዚያው ሰሞን ወደ ሩዋንዳ ዋና ከተማ ኪጋሊ ሄዶ የነበረ አንድ የሥራ ባልደረባችን በአምስት ቀን ቆይታው ሁለት ጊዜ በመንገድ ያለፋቸው ፕሬዝዳንት ፖል ካጋሜ በከተማው መንገድ ላይ ሲጓዙ እሳቸው ከሚጓዙበት አቅጣጫ በተቃራኒው የሚወስደው የመንገዱ ጎን ክፍት እንደሚሆን የነገረኝን ለሹፌሩ እያጫወትኩት ሳይረን እያሰማ የሚከንፈውን ሞተረኛ ተከትለው ካልተሳሳትኩ አምስት መኪኖች በፍጥነት ወደ ቦሌ የሚወስደውን መንገድ ይዘው ሲያልፉ አየን፡፡ ካለፉት መኪናዎች ሦስቱ ባለግርማ ሞገሶቹ ጥቋቁር ሼቭሮሌቶች ነበሩ፡፡ ያለፉት ባለሥልጣን ጠ/ሚኒስትር ኃይለማርያም ደሳለኝ መሆን አለባቸው (በእርግጥም ነበሩ፤ ለሥራ ጉብኝት ወደ ጎረቤት ሀገር ኬንያ እያቀኑ)፡፡ እንደ ሥራ ባልደረባችን ከሆነ ፕሬዝዳንት ካጋሜን የሚያጅቡት አንድ ሞተረኛ ፖሊስ ከፊት እና አንድ መኪና ከኋላ ሆነው ነው፡፡ ጠ/ሚኒስትር ኃይለማርያም ይህን ሁሉ ጥበቃ የሚደረግላቸው ከፕሬዝዳንት ካጋሜ ይልቅ ለደኅንነታቸው የሚሰጉ መሪ ስለሆኑ ነው? ወይስ ኢትዮጵያዊያን ከሩዋንዳዊያን ይልቅ አስፈሪ ሕዝብ ስለሆንን? ይህንን እቆቅልሽ እያሰላሰልኩ መንገዱ ተከፍቶ ቦሌ ዓለም አቀፍ አየር ማረፊያ የአገር ውስጥ በረራ የሚደረግበት ጣቢያ ቁጥር 1 ደረስኩኝ፡፡

የሳልሃዲን እርምጃዎች …[ቃለ ምልልስ]

* ሳላ አሁን የት ነው ያለኸው?
በቤልጅየም ዋና ከተማ ብራሰልስ፡፡

* ብራሰልስ ምን ትሠራለህ?
የግብፅ ሊግ መቋረጡን ተከትሎ ክለቤ ዋዲ ደግላ ከእንቅስቃሴ እንዳይርቅ ለዝግጅት ግጥሚያዎች ወደ አውሮፓ አቅንቷል፡፡ የእኔም ጉዞ ከዚያ ጋር በተያያዘ ነው፡፡

* የዋዲ ደግላ እግር ኳስ ክለብ ባለቤት ወይም አስተዳዳሪ ማነው?
የክለቡ ባለቤት ቤልጅየም ሀገር የሚኖር ማጌድ ሳሚ የተባለ ግብፃዊ ባለፀጋ ነው፡፡ ሳሚ በግብፅ ከተሳካላቸው የንግድ ሰዎች አንዱ ሲሆን ዋዲ ደግላ የተባለ ግዙፍ ኩባንያ ካይሮ ውስጥ አለው፡፡ ይህ ኩባንያ በሪል ስቴት፣ በመንገድ ግንባታ፣ በውጪ ንግድ እና ገዘፍ ባሉ የንግድ እንቅስቃሴዎች ላይ የተሰማራ ነው፡፡ እኔ የምጫወትበት ዋዲ ደግላም የሚተዳደረው በዚሁ ኩባንያ ሥር ነው፡፡ ዋዲ ደግላ ልክ እንደ ኢትዮጵያው ሚድሮክ ቁጠረው፤ በሥሩ በተለያዩ የንግድ እንቅስቃሴዎች ላይ የተሰማሩ ድርጅቶችን አቅፎ ይዟል፡፡

* የዋዲ ደግላ እና የቤልጅየሙ ሊርስ አንድነት ምንድነው?
ማጌድ ሳሚ ከአንድ ዓመት በፊት ኪሳራ ውስጥ የተዘፈቀው ሊርስን ዕዳውን ከፍሎ ገዝቶታል፡፡ ስለዚህ እኔ የምጫወትበት ክለብ እና ሊርስ ንብረትነታቸው የአንድ ሰው ነው፡፡ በቅርቡ በቤልጅየም ሶስተኛ ዲቪዚዮን የሚወዳደረው ቱርንሃውት የተባለው ክለብም የግብፃዊው ንብረት ሆኗል፡፡

* ወደ ብራሰልስ ከመጣህ ስንት ጊዜ ሆነህ?
ቡድኑን የተቀላቀልኩት አስር ቀን ዘግይቼ ነው፡፡ የቀለበት ፕሮግራም ሀገር ቤት ስለነበረኝ ቡድኑ ወደ ብራሰልስ ከመንቀሳቀሱ ከቀናት በፊት ወደ አዲስ አበባ ሄድኩኝ፡፡ ከዚያም በታህሣሥ የመጀመሪያ ሳምንት ወደ ቤልጅየም መጣሁ፡፡

* በብራሰልስ ልምምድ ብቻ ነው የምታደርጉት ወይስ ግጥሚያ አግኝታችኋል?
ሁለቱንም፡፡ እኔ ከመጣሁ እንኳን በሁለት ጨዋታዎች ተሰልፌያለሁ፡፡ አንዱን አርባ አምስት ደቂቃ ስጫወት በሌላኛው ለአስራ አምስት ደቂቃ ተሰልፌያለሁ፡፡ የምንገጥመው በቤልጅየም ፕሮ ሊግ (አንደኛ ዲቪዚዮን) የሚገኙ ቡድኖች ሁለተኛ ስብስባቸውን ነው፡፡ በተጨማሪም ከሁለተኛ እና ሶስተኛ ዲቪዚዮን ቡድኖች ጋር ተጫውተናል፡፡

* ሁኔታው ለምን ያህል ጊዜ ይቀጥላል?
የግብፅ ሊግ እስኪጀመር ነው፡፡ ስንመጣ የአንድ ወር ተኩል ፕሮግራም ነበር የተያዘው፡፡ አሁን ግን ዕቅዱ ተለውጦ ቤልጅየም የምንቀርበት ዕድል እየተመቻቸ ነው፡፡

* የግብፅ ሊግ ዘንድሮ አይጀምርም ማለት ነው?
የሚታወቅ ነገር የለም፡፡ በፈረንጆቹ አዲስ ዓመት ይጀመራል የሚል ግምት አለ፡፡

* ቤልጅየም መቅረት ሲባል እንዴት ነው?
ሊርስ እና የሶስተኛ ዲቪዚዮኑ ቱርናውት የሚተዳደሩት በዋዲ ደግላው ባለቤት ነው፡፡ በዋዲ ደግላ አሰልጣኝ ጥቆማ ስድስት ልጆች ወደ ሊርስ እንዲዛወሩ ተደርጓል፡፡ የቀሩት ደግሞ ለቱርንሃውት እንዲጫወቱ የሥራ ፈቃድ እየተመቻቸላቸው ነው፡፡ (በነገራችን ላይ የሊርስ አሰልጣኝ የቀድሞ የግብፅ ዕውቅ ተጫዋች ሃኒ ራምዚ ነው)

* አንተ ከስድስቱ ውስጥ የለህም?
የለሁበትም፡፡ ሲጀመር እዚህ የመጣነው ለአንድ ወር ተኩል ነበር፡፡ እኔ ደግሞ በብሔራዊ ቡድኑ ዝግጅት እና በአፍሪካ ዋንጫ የተነሳ ቢያንስ ለአንድ ወር ከቡድኑ እርቃለሁ፡፡ በዚህም የተነሳ ከስድስቱ ውስጥ እንዳላካተተኝ አሰልጣኙ ነግሮኛል፡፡ እኔ ለአፍሪካ ዋንጫ ስለምሄድ አንድ አጥቂ እንደሚፈልግም አስታውቆኛል፡፡

* ምክንያቱ ይህ ብቻ ነው?
ዋናው ምክንያት ይህ ቢሆንም በምሰለፍበት ቦታ ከአሰልጣኙ ጋር አልተግባባንም፡፡ እርሱ ተደራቢ አጥቂ ሆኜ እንድጫወት ይፈልጋል፡፡ እኔ ደግሞ በዚያ ቦታ ጥሩ አይደለሁም፡፡ ወደ መሐል ተስቤ ስጫወት ጎል የማግባት ብቃቴ ይቀንሳል፡፡ ለስልጠናው ዓለም አዲስ እንደመሆኑ ልምዱም አናሳ ነው፡፡ በዚያ ላይ ሲያሰራ ንግግሩ ይበዛል፡፡ በአጠቃላይ የአሰልጣኝ ለውጥ ከተደረገ በኋላ ዋዲ ደግላ አልተመቸኝም፡፡ ከቀድሞው አሰልጣኝ ጋር ጥሩ ተግባብተን ነበር፡፡ ቤልጅየማዊው ተሰናብቶ ግብፃዊው ከመጣ በኋላ ግን ነገሮች እንደበፊቱ አልሆኑም፡፡

* መጪው ጊዜ ምን ሊሆን ይችላል?
ክለቡ ለሶስተኛ ዲቪዚዮኑ ቱርንሃውት እንድጫወት ጠይቆኛል፡፡ የእኔ ፍላጎት ደግሞ ሊርስ ነው፡፡ በዚህ መሐል የአፍሪካ ዋንጫ አለ፡፡ መጪውን ጊዜ ከአፍሪካ ዋንጫ በኋላ አብረን ብናይ አይሻልም?

* እስከዚያ ክለቡ ይታገስሃል?
ገና የአንድ ዓመት ተኩል ውል ይቀረኛል፡፡ ወደ አፍሪካ ዋንጫ ሳልሄድ ምላሼን እንዳሳውቃቸው ነግረውኛል፡፡ እኔም ሶስተኛ ዲቪዚዮን ወርጄ እንደማልጫወት አሳውቄያቸዋለሁ፡፡

* ሌሎች ክለቦች የዝውውር ጥያቄ አላቀረቡልህም?
የሱዳን ክለቦች ገፍተው መጥተዋል፡፡ በተለይ ሜሪክ እና አል አህሊ ሻንዲ አሁንም ድረስ እየጠየቁኝ ነው፡፡ ሁሉንም ነገር ከአፍሪካ ዋንጫ መልስ የምወስነው ይሆናል፡፡

* የእግርህ ጤንነት አንዴት ነው?
በመልካም ሁኔታ ላይ ይገኛል፡፡

* ጉልበትህን በደንብ ተሸሎሃል?
አዎን፡፡

* አዲስ አበባ ላይ ከማዕከላዊ አፍሪካ ሪፐብሊክ ጋር ስትጫወት የተጎዳኸውሳ?
እርሱ በግራ እግሬ እና በመቀመጫዬ መጋጠሚያ ላይ የደረሰብኝ የጡንቻ መሳሳብ ነው፡፡ በአሁኑ ሰዓት እዚያ አካባቢ የሚሰማኝ ነገር የለም፡፡

* በአፍሪካ ዋንጫ ማጣሪያ ከጊኒ ጋር ኮናክሪ ላይ የተጎዳኸው ጉልበትህን ነበር?
የቀኝ ጉልበቴ ላይ ነበር፡፡ እንዲህ ዓይነት ጉዳት በእግር ኳስ ዘመኔ አይቼ አላውቅም፡፡ ሜዳው ጭቃ ነበር፡፡ ከኋላ ሲጠልፉኝ በጉልበቴ ጭቃው ላይ ተሰካሁኝ፡፡ የተጎዳው ከኋላ የጉልበቴን ሎሚ አቅፎ የሚይዘው አንደኛው ጅማት (ሊጋሜንት) ነው፡፡ ከጉልበት ጀርባ ሁለት ጅማቶች አሉ፡፡ ጭቃው ላይ በሙሉ ኃይል ስወድቅ አንዱ ጅማት ተበጠሰ፡፡ እርሱን ለማስታመም ስድስት ወር ፈጅቶብኛል፡፡

* ጉዳቱ የዋዲ ደግላ ቆይታህ ላይ ተፅዕኖ አላሰረፍብህም?
ለዋዲ ደግላ ፈርሜ አዲስ አበባን እንደለቀኩኝ ካይሮ በሚገኘው የክለቡ ማዕከል ቀለል ያሉ ልምምዶችን እያደረኩ ነበር፡፡ ከዚያም ወደ ጨዋታ ሳልገባ ጊኒን ለመግጠም ወደ አዲስ አበባ መጣሁ፤ ጉልበቴንም ተጎዳሁ፡፡ ጉዳቴን አስታምሜ ስመለስ የግብፅ ሊግ ተቋረጠ፡፡ ይህን ተከትሎ ብቃቴን በግብፅ ሜዳዎች ለማሳየት የነበረኝ ህልም ተጨናግፏል፡፡ ሆኖም በጉዳት ወደ ካይሮ ስመለስ ክለቡ ልዩ እንክብካቤ አድርጎልኛል፡፡ በዚህ አጋጣሚ ላመሰግናቸው እወዳለሁ፡፡

* ለምን ያህል ጊዜ ነበር ከሜዳ የራቅከው?
ስድስት ወር፡፡ ከሶስት ወር በኋላ አገግሜ ወደ ሜዳ ስመለስ እንደገና ተጎዳሁ፡፡ ጉዳቱ የደረሰብኝ ሳይሻለኝ ቶሎ ወደ ጨዋታ በመግባቴ ነበር፡፡ ድጋሚ ከተጎዳሁ በኋላ ለሶስት ወራት ከሜዳ ርቄያለሁ፡፡

* ጉልበትህ ላይ ቀዶ ጥገና አድርገሃል፡፡ ወጪውን ማነው የሸፈነው?
ለሕክምና ከኪሴ ሰባት ሺህ ዶላር አውጥቻለሁ፡፡ ቀሪውን የቻለው ክለቡ ነበር፡፡ የክለቡ ድርሻ በዛ ይላል፡፡

* በአፍሪካ ዋንጫ አዲስ የዝውውር ጥያቄ ቢመጣስ?
ዋዲ ደግላ እና ፈላጊው ክለብ ይነጋገሩና የእኔ ፍላጎት ተጠብቆ ዝውውሩ ይፈፀማል፡፡ የእዚህ ሀገር ዝውውር የተደበቀ ነገር የለውም፡፡ ሁሉም ነገር ፊት ለፊት በሚደረግ ድርድር የሚፈፀም ነው፡፡ ከአንድ ዓመት ተኩል በፊት ለዋዲ ደግላ ስፈርም በውላችን ላይ የተጠቀሰ ነገር አለ፤ የተሻለ ክፍያ የሚሰጠኝ ክለብ ከመጣ ሊለቁኝ፡፡ እንደውም ለካይሮው ክለብ በዋናነት የፈረምኩት ወደ አውሮፓ መሸጋገሪያ ይሆነኛል በሚል ነው፡፡ ይህም ጉዳይ በውላችን ላይ በግልፅ ተቀምጧል፡፡

* ከቡድኑ አባላት ጋር በምን ትግባባለህ?
ዓረቢኛ እሞክራለሁ፡፡

The unschooled and uncultured top war criminal Gen Samora is dying…

Gen Samora Yenus is dying…

The Horn Times Newsletter, 28 December 2012
by Getahune Bekele
A poor peasant and a primary school dropout, who was described by senior political commentator as cold blooded murderer with thinking and reasoning capacity of a dinosaur, Gen Samora is dying…
According to a sensitive document leaked to the Horn Times from Bella military referral hospital in Addis Ababa, the frail TPLF army chief-of-staff and top November criminal, the dastardly Gen Samora Yenus Mohamedfereja, has less than a year to live.
And if he dies before being arrested and tried, Samora Yenus will be the fourth high profile TPLF war criminal to escape justice after the late fuehrer Meles Zenawi, former intelligence chief Kinfe G.medhin and after former army commander the late Gen Hayelom Araya, who was killed during gun fight over a prostitute in one of Addis Ababa’s brothels.
Diagnosed with HIV AIDS in 2006 and declared a habitual defaulter for not taking his medication regularly, the illiterate and lowbrow Samora has been receiving treatment consisted of strengthening the body’s natural defense, killing bacteria and battling infection at Essen university hospital in Germany.
However, despite the impoverished Ethiopia footing his massive medical bill including the purchase of an expensive drug called zidovudine, the bawling warlord has developed new strain known as extensively drug-resistant (XDR) tuberculosis, which resisted all 8 second line drugs.
The intercepted document further revealed that the murderous warlord is suffering from other scourges as well; diabetes mellitus and hypertension, which complicated the costly multi-system treatments. And currently, he is not responding well to available medications both at home and abroad.

ጠቃሚ እና አስፈላጊ ሁሉም ሊተገብረው የሚገባ ምክር

ቊርባን እንዳይነጥብ ቀሳውስት እንደሚጠነቀቁ ምክርም እንዳያልፍህ ጆሮህ ነቅቶ ሊሰማ፣ ብዕርህ ሰልቶ ሊመዘግብ ይገባዋል፡፡ ምክር ባለበት የጠራ ውሳኔ ይኖራል፣ ድልም ይገኛል፡፡ ምክር ገንዘብ ሊገዛው የማይችል ትልቅ ሀብት ነው፡፡ ገንዘብ የሰጠህ ባለጠጋ ከኪሱ መዝዞ ነው፡፡ ምክር የሚሰጥህ አዋቂ ግን ከነፍሱ አውጥቶ ነው፡፡ ምክር የነፍስ ስጦታ መሆኑን አስተውል፣ ተጠንቅቀህም ያዘው፡፡ በትክክል የሚታዘዝ በትክክል የሰማ ነው፡፡ በደንብ ለመታዘዝ በደንብ መስማት እንደሚያስፈልግ እወቅ፡፡

ወዳጄ ሆይ!

የተቋረጠውን ጥቅምህን ለማስቀጠል ብለህ ይቅርታ መጠየቅ አይገባህም፡፡ የምትፈልገውን ከወዳጅህ ከመጠየቅህ በፊት የወሰድክበትን ሰላም በይቅርታ መልስለት፡፡ ይቅርታ ሳይጠይቁ ንብረትን መጠየቅ አንተን አልፈልግህም ንብረትህን ግን እፈልጋለሁ እንደ ማለት ነው፡፡ ይቅርታ የበረከት ሁሉ ምንጭ ነው፡፡ ያ ሰው ይቅር ካለህ ካሰብከው በላይ ይሆንልሃል፡፡ ቢሆንም ይቅርታን የጥቅም ማግኛ መንገድ አታድርገው፡፡ ካጣኸው ንብረት ያጣኸው ወንድምነት የበለጠ ኪሣራ መሆኑን እባክህ አስተውል፡፡

ወዳጄ ሆይ!

ይቅር ያልከውን ስህተት መልሰህ አትናገረው፡፡ ይህ ግርሻት ያመጣል፡፡ ከዋናው በሽታ በድንገት የሚጥል ግርሻት ነው፡፡ ይቅር ያሉትን ስህተት ማሰላሰልም ትልቅ ጉዳት ነው፡፡ ዛሬ የተሳሳተውን ወገንህን ካለፈው ስህተቱ ተነሥተህ አትውቀሰው፡፡ እርሱ ከስህተቱ እንዳልተመለሰ ሁሉ አንተም ከቂምህ አልተመለስክም ማለት ነው፡፡ የሰጡትን ስጦታ መልሶ መቀበል ውርደት ነው፡፡ ይቅርታም ስጦታ ነውና ከሰጠኸው በኋላ መንሣት ትልቅ ሐፍረት ነው፡፡ ውሻ የተነቀፈው የተፋውን በመላሱ ነው፡፡ የተፉትን ቂም መላስም ያስነቅፋል፡፡

ወዳጄ ሆይ!

ረጅም ሰዓት ዝም ብለህ ስትናገር ንግግርህ ኃይል የተሞላ ይሆናልና ከዝምታ በኋላ ስትናገር አንደበትህን በስመ ሥላሴ አሟሸው፡፡ ዝምተኛ ሰው ሁሉ አስተዋይ ነው አትበል፡፡ የሚናገረው የሌለውም ዝም እንደሚል እወቅ፡፡ “የእንጦጦ መምህር ቢናገር ባመት፣ ያውም እሬት” እንዲሉ ዝም ብሎ የኖረ ሰውም ሲናገር ንግግሩ ከባድ ነው፡፡ ንግግር ልምምድ መሆኑን አስተውል፡፡ አንድ ጊዜ ለመናገር ሁለት ጊዜ ማሰብ ከፀፀት እንደሚጠብቅ ተረዳ፡፡

ወዳጄ ሆይ!

አፍ ቢደፍኑት ይሸታል፣ ችግርም ይዘው ቢያሰላስሉት ይጐዳል፡፡ ለሁነኛ ሰው ማማከር ግን ይቀላል፡፡ ችግርህ ከሴት ጋር የተያያዘ ከሆነ ለሴት አማክረው፡፡ ችግርህ ከጭንቀት ጋር የተያያዘ ከሆነ ከእናቶች ጋር ተማከረው፡፡ ችግርህ ከኃጢአት ጋር የተያያዘ ከሆነ ከሃይማኖት አገልጋይ ጋር ተማከረው፡፡ ችግርህ የማይነገር መስሎ ከተሰማህ ከእግዚአብሔር ጋር ተማከረው፡፡ ከመጣው ችግር በላይ ዝምታ እንደሚጎዳ እወቅ፡፡ ደግሞም፡- “ሃምሳ ሎሚ ለአንድ ሰው ሸክሙ፣ ለሃምሳ ሰው ግን ጌጡ ነው” የተባለውን አትርሳ፡፡

ወዳጄ ሆይ!

ሰው ቆሞ የሚጠብቅህ ሐውልት አይደለም፡፡ ሐውልት እንኳ ዘመን ሲረዝም ወድቆ ይሰበራል፡፡ ሰው ጠዋት ለማታ የማታገኘው ሕልም እልም ነው፡፡ ለመኖር ሲደላደል የሞት ጥሪ የሚደርስበት፣ በምድር አለ ስትለው በሰማይ የሚውል፣ ካመለጠህ የማታገኘው ነውና ፍቅርህን ለመግለጥ ሰዓቱ አሁን መሆኑን አስተውል፡፡ ሰው ለቀጠሮ የማይመች ፍጡር መሆኑን እወቅ፡፡ ትልቁ የፍቅር መግለጫም ክርስቶስን መስጠት መሆኑን አስተውል፡፡ ሰውን ለማፍቀር ጊዜው አሁን፣ ለመርዳትም ቀኑ ዛሬ፣ ይቅር ለማለትም ሆነ ይቅርታ ለመጠየቅ ዕድሉ ይህች ጀምበር፣ አብሮ ለመኖርም ከአሁን የተሻለ ምቹ ዘመን የለም፡፡ የተሰጠን ዕድሜም እንኳን ለጠብ ለፍቅርም እንደማይበቃ አስተውል፡፡

ወዳጄ ሆይ!

ሰውን ከማሳቅ ሰውን ማስደሰት ይበልጣል፡፡ ሰውን የምታስቀው እውነትና ሐሰትን ቦታ በማለዋወጥ ነው፣ ወይም ውሸትን በማቆንጀት ነው፡፡ ሰውን የምታስደስተው ግን በቁምነገርህ ነው፡፡ ፌዝ የአንደበት፣ ቊምነገር የተግባር ጉዳይ መሆኑን እወቅ፡፡ ፌዘኛ የሚያረሳሳ፣ ቁምነገረኛ ግን የሚፈውስ መሆኑን ተረዳ፡፡

ወዳጄ ሆይ!

የምስክር ወረቀት ያላቸው አዋቂዎች ዕውቀታቸውን ብዙ ጊዜ የሚወስዱት ያልተማሩ ከሚባሉት መሆኑን እወቅ፡፡ ኑሮ የተግባር ትምህርት ቤት ነውና በዕድሜ ከበረቱት ጠይቅ፡፡

ወዳጄ ሆይ!

ከወጣት ሞት ይልቅ የሽማግሌ መታጣት አሳሳቢ ነው፡፡ ሽምግልና የዕድሜ ብቻ ሳይሆን የጸጋ ነው፡፡ በዕድሜ የሸመገሉ ሁሉ ጠቢባን አይደሉም እንደ ተባለ ጸጋ የለበሱ ሽማግሌዎችን እንዲሰጠን መጸለይ ያስፈልጋል፡፡ የአንድ ማኅበረሰብ ቀጣይነቱ የሚረጋገጠው የሚሰማቸው አባቶች ሲኖሩ ብቻ ነው፡፡

ወዳጄ ሆይ!

ንግግርህ ዕውቀት ብቻ ሆኖ እንዳያሰለች፣ የምትናገረው ፍቅር የሌለው እውነት ሆኖ እንዳይሰብር፣ “ጌታ ሆይ በንግግሬ አንተ ተናገርበት፣ በዕውቀቴ ጥበብ ጨምርበት” ብለህ ጸልይ፡፡ እግዚአብሔር የቀደሰው አንደበት ቡሩክ ምንጭ ነውና፡፡

ምክር ለሰሚው

ወዳጄ ሆይ!

እግዚአብሔር ለልብ ይናገራል፡፡ ከግርግር፣ ከትርምስ ወጣ ብለህ በጽሞና ስትቀመጥ የእግዚአብሔርን ድምፅ ትሰማለህ፡፡ እግዚአብሔርን የምትሰማ ነፍስ ከመከራ ስጋት ታርፋለችና እርሱን ስማ፡፡ እግዚአብሔርን በጆሮህ ብቻ ሳይሆን በዕዝነ ልቡናህም አድምጠው፡፡

ወዳጄ ሆይ!

ከራስህ ጋር ሰላም ሆነህ ሰዎች ቢጠሉህ አያስደነግጥም፣ ከራስህ ጋር ተጣልተህ ሰዎች ቢወዱህ ግን አስደንጋጭ መሆኑን እወቅ፡፡ ሰዎች ሁሉ የሚከዱኝ እውነተኛ ስለሆንኩ፣ ሐቁን ስለምናገር ነው ብለህም ተማምነህ አትቀመጥ፡፡ ራስህን መርምር፣ ምክርንም ተቀበል፡፡

ወዳጄ ሆይ!

በሳቅ ብቻ ይህችን ዓለም ለመርሳት አትሞክር፣ በመደነቅ ብቻ ያለ ሥራ አትቀመጥ፡፡ ዕረፍት ያለበትን የእግዚአብሔር ጸጋ ፈልግ፡፡

ወዳጄ ሆይ!

የምትወደውን ሰው ድምፅ በስልክ እየሰማህ ሞቷል እንደማትል፣ ድምፅ የህልውና መገለጫ እንደሆነ ሁሉ የማይታየው እግዚአብሔርም ህልውናው በመናገሩ እንደሚገልጥ ዕወቅ፡፡

ጂጂና ቴዲ እንደ ቦብ ማርሊ እንደ ፌላ ኩቲ

(ክንፉ አሰፋ)

ጃማይካዊውን የጥበብ ሰው ጋሪሰን ሃውክን በመንተራስ አርቲስት ጂጂ እና ቴዲ አፍሮ ሰሞኑን የለቀቁት '

ጀግና አይፈራም … ተስፋ አይቆርጥም'´ ነጠላ ዜማ በብዙዎች አድናቆትን እየተቻረይገኛል።ብዙዎችንም አነቀቅቷል። ሙዚቃው የተለየ ነው፣ የሚያበረታታ እና የሚያነቃቃም ነው።

'ጀግና አይፈራም … ተስፋ አይቆርጥም'! “

ብዙውን ግዜ በጦር ጀብዱ የፈጸመን ወይንም ድል ያደረገን ሰው ጅግና ብለን እንጠራዋለን።ጀግንነትን በዚህ መስፈርት ብቻ ከለካነው -ይህ ቀላሉ ጀግንነት ሊሆን ይችላል። ከባዱ እናእውነተኛው ጀግንነት ግን ጦርነትን ሳይሆን ሰላምን ማሸነፍ መቻል ነው።

ምንም አይነት ጅብዱ ቢፈጽም ራእይ ግን የሌለው ሰው ጀግና ሊሆን አይችልም። ህይወት ካለ ተስፋ አለ። ተስፋ ካለ ህልም አለ። ህልም ካለ ራዕይ አለ። ራእይ ያለው ሰው ነው ጀግና። 'ጀግና አይፈራም … ተስፋ አይቆርጥም'!የኢትዮጵያ አርቲስቶች በተለያዩ ወቅቶች ከፍቅር ወጣ ያሉ የተለያዩ ሙዚቃዎችን ሲጫወቱ አስተውለናል። በአብዮት ዘመን፣ በጦርነት ዘመን፣ በድል ዘመን፣ ወዘተ ... አብዛኞቹ ዘፈኖችም ሆ ኑቀረርቶዎች ታዲያ ፈረንጆቹ

ኢንስፓሬሽናል እንደሚሉት መንፈስን የሚያነቃቁና የጀግነነት ሞራልን ከፍ የሚያደርጉ አልነበሩም።

አንቱ የሚባሉ የሃገራችን አርቲስቶች ካቀነቀኗቸው የፍቅር ዜማዎች አንዳንዶቹ የሚደንቁናቸው።

“ቆዳዬ ተገፎ፣ ይሁንልሽ ጫማ፣

ስጋየም ይደገም፣ ላንቺ ከተስማማ..”

“ፍየል ቅጠል እንጂ፣ አትበላም እንጉዳይ፣

በጥርሷ ሰላሳ፣ ባይኗ መቶ ገዳይ...”

“አንድ፣ ሁለት፣ ሶስት፣ አራት፣ እስቲ ቁጥር ጥሩ፣

እኔ ልጣራ ነው፣ እናንተ ሞክሩ የሚሉ ስንኞችን እናያለን::”

አርቲስቶቹ ከፍቅር ወጣ ሲሉ ደግሞ፣

“ይለያል ዘንደሮ...ይለያል!”

“አባረህ በለው... ፍለጠው ቁረጠው..”

“አያ ሆሆ ማታነው ድሌ ..”

“ደም በደም ይሁን መረማመጃው!”.ወዘተ የመሳሰሉትን ስራዎቻቸውን መጥቀስ ይቻላል።

አሳዛኝ ሰበር ዜና ኢትዮጵያውያን ሳውዲ አረቢያ ሪያድ ከተማ መስጂድ በር ላይ በሳንጃ ታርደው ተገኙ።

    

አሳዛኝ ሰበር ዜና

ሳኡድ አረቢያ ሪያድ ከተማ ዉስጥ በተለምዶ መንፋሃ ተብሎ በሚጠራ አከባቢ ሻራ እሽሪን መስጂድ በር ላይ ሁለት ኢትዮጵያውያንበሳንጃ ታርደው ተገኙ። ሲሉ የምንሊክ ሳልሳዊ ምንጮት ገለጡ::

ኢትዮጵያውያን በሪያድ ከተማ በብዛት ከሚኖሩባቸው አከባቢዎች አንዱ መንፍሃ ተብሎ የሚጠራው አከባቢ ይጠቀሳል::
ይህ ቦታ ህገ ወጥ በሆነ መልኩ አስከፊውን የባህር ጉዞ አልፈው ሳኡድ አረብያን ለመርገጥ የታደሉ ወጣቶች የሚስተናገዱበት እንደመሆኑ መጠን በወገኖቻችን መካከል አልፎ አልፎ በሚፈጠረው የብሄር ግጭት በሰው ሃገር የሚሰማው ዘግናኝ ዜና የሃገራችንን በጎ ጘጽታ ለውጦታል::
በተለይ ቀደም ብሎ ያንድ ኢትዮጵያዊት ሬሳ በሳንጃ ተዘልዝሎ በሻንጣ ተጠቅልሎ ቆሻሻ መጣያ ገንዳ ዉስጥ ተጥሎ መገኘቱ በአከባቢው ነዋሪ ላይ ከፍተኛ ድንጋጤን ፈጥሮዋል ሲል የሚኒሊክ ሳልሳዊ ምንጮች ከሪያድ ተናግረዋል::
በሪያድ እና አከባቢው እትዮጵያውያን ወጣቶች ማህበርን ምኒሊክ ሳልሳዊ ያመስግናቹሃል::
ኢትዮጵያውያንን
በዛሬው እለት በዚህ ዙሪያ የወያኔ ዲፕሎማቶች ስብሰባ ጠርተዋል::

ኢህአዴግና ኢህአዴግ ተፈራርተዋል

“[ሙስና] የስርዓቱ አደጋ ነው” ርምጃ ግን የለም!!

December 26, 2012 12:25 pm By Editor Leave a Comment

ሙስና በኢትዮጵያ አሳሳቢ ደረጃ መድረሱን ኢህአዴግ አይክድም። ኢህአዴግ ባለስልጣኖቹ በሙስና ስለመዘፈቃቸው ማመኑን የገለጸው “የመንግስት ሌቦች አስቸገሩኝ” በሚል ነው። አዲሱ ጠቅላይ ሚኒስትር ሃይለማርያም ደሳለኝ “በሙስና የተለከፉ ዋጋቸውን ያገኛሉ” ሲሉ ስልጣን በያዙ ማግስት መዛታቸውን የሚያስታውሱ በስተመጨረሻ “ኢህአዴግና ኢህአዴግ ተፈራርተዋል” የሚል ድምዳሜ ላይ ነው።

“ትልቅ ጫካ ሰርታችሁ የኛንም የናንተንም ሌቦች መደበቅ በመቻላችሁ ሁሉንም መመንጠር ስላልቻልን እየተተራመስን ነው” በማለት ጣታቸውን ወደ ነጋዴው ህብረተሰብ በመቀሰር ሟቹ ጠቅላይ ሚኒስትር በአገሪቱ ያለውን ሙስና አስከፊነት በገለጹበት መድረክ “ስልጣን የመክበሪያ ብቸኛው መንገድ በሆነበት አገር ዘላቂ ሰላም ይኖራል ማለት ዘበት ነው። በኪራይ ሰብሳቢነት እንደ መንግስትም፣ እንደ ባለሃብትም መቀጠል አንችልም። እንደ ሶማሌ ነው የምንሆነው። እንተራመሳለን። በድጎማ እየኖርን ሙስናው ከከፋ አገር የሌለው ባይተዋር እንሆናለን” ሲሉ የጉዳዩን አሳሳቢነትና በኢህአዴግ ስሌት ሙስናው የሚያስከትለውን የመጨረሻ ጣጣ አመላክተው ነበር።

የደሞዝ Vs. የጠብሽ* ሰሞን (ማሕሌት ፋንታሁን)

 Editor Leave a Comment

የዘወትር የድረገጻችን ተሳታፊ የሆኑ ይህንን ጽሁፍ እንድናነበውና እንድናትመው በላኩልን መሠረት እነሆ ለአንባቢዎቻችን አቅርበነዋል፡፡ በዚሁ አጋጣሚ ለጸሐፊዋ ማሕሌት ፋንታሁን ከፍ ያለ ምስጋናችንን እናቀርባለን፡፡

የደሞዝ Vs. የጠብሽ* ሰሞን

አነጋገራችንን፣ አካሄዳችንን፣ አበላላችንን፣ አስተያየታችንን ባጠቃላይ የምናደርገውን ማንኛውም እንቅስቃሴ ላይ ቀጥጠኛ አስተዋፅኦ ካላቸው ነገሮች አንዱና ዋነኛው በኪሳችን ያለው ገንዘብ ነው፡፡ ገንዘብ ከምናገኝባቸው አንዱ መንገድ ደግሞ ተቀጥሮ መሥራትና ወር ሲያልቅ የሠራንበትን ክፍያ/ደሞዝ ማግኘት ይገኝበታል፡፡ አብዛኛው በከተማ አካባቢ የምንኖር በዚህ መስመር ውስጥ እንገኛለን፡፡

ደሞዝ ተቀብሎ ቀጣዩን የደሞዝ ቀን እንደ ምፅአት ቀን በጉጉት የማይጠብቅ ካለ ይህ ሰው ከደሞዙ ውጪ ሌላ ተጨማሪ ገቢ አለው ወይም አንድ ቀልድ ላይ እንደሰማሁት በአስማት ነው የሚኖረው ማለት ነው፡፡ ደሞዛችን እዛው እንዳለ ወይም በተወሰነ ጭማሪ… ብቻ ኑሮ ግን በብዙ እጥፍ ጨምሮ መኖር መቻላችን እውነትም አስማተኛ ያስብላል፡፡ እንደየደረጃው ይለያይ ይሆናል እንጂ አብዛኛው ደሞዝተኛ ደሞዝ ከተቀበለ በኋላ ካሉት የተወሰኑ ቀናት ውጪ ለመጪው የደሞዝ ቀን ስንት ቀን እንደቀረው በመቁጠር፤ ቀሪውን ጊዜ በብድር እንዴት እንደሚያሳልፍ በማውጠንጠን፤ የሰቀቀን ኑሮ መኖሩን የተለማመድነው ይመስላል፡፡

የደሞዝ ሰሞንና የጠብሽ ሰሞን እንደየሰው ይለያያል፡፡ በአብዛኛው ደሞዝ ከተቀበሉ ከ10-15ኛው ቀን በኋላ ሰሞነ ጠብሽ ይገባል፡፡ ደሞዝ የተቀበሉ እለትም ደሞዟ ብድር ብቻ ከፍላ የዕለቱለት ጠብሽ የሚጀምርበት አጋጣሚም አለ፡፡ የበዓል ወቅቶች እና ጳጉሜ ወር “የጠብሽ” ወቅትን ከሚፋጥኑ/ከሚያረዝሙ ምክንያቶች ውስጥ ዋነኞቹ ናቸው፡፡ የጳጉሜ ወር ግን ለምን ደሞዝ እንደሌላት ሁሌም ይገርመኛል፡፡ በዛ ላይ የአዲስ ዓመት ወጪ ተጨምሮበት አስቡት፡፡

የደሞዝ ሰሞን 1

የደሞዝ ሰሞንን አስታከው የሚመጡ ወጪዎች ብዛታቸው አይጣል ነው፡፡ በመሥሪያ ቤት ለተለያዩ ጉዳዮች የሚሰበሰቡ መዋጮዎች፣ በየመሥሪያ ቤቱ እና ካፌው እየዞሩ እርዳታ የሚጠይቁ እና  የመንገድ ላይ ለማኞች የሚበዙት በዚህ በደሞዝ ወቅት ነው፡፡ መንገድ ላይ የተለያዩ ዕቃዎችን ለሽያጭ ይዘው የሚወጡ ነጋዴዎችም ከሌላው ቀን በተለየ መንገዱን ሞልተው የምናያቸውን ደሞዝተኛን የሚያባብል እና የሚያግባባ ቃላት በመጠቀም ሸቀጦቻቸውን እንድንገዛ ሲታትሩ የሚታዩት በዚሁ በደሞዝ ወቅት  ነው፡፡ እኛም አዎንታዊ ምላሻችንን አንነፍጋቸውም፡፡

የደሞዝ ሰሞን 2

ከቤተሰብ፣ ጓደኛ እና በአካባቢያችን ከምናገኛቸው ሰዎች ጋር ያለን ግንኙነት ይጠብቃል፡፡ ሰላምተኞች፣ ደውሎ ጠያቂ፣ አስታዋሽ እና እንገናኝ ባዮች እና  አሰባሳቢዎች እኛ ነን፡፡ ከፋይ ወይም ከፋይ ለመሆን ልባዊ የሆነ ተነሳሽነት እናሳያለን፡፡ ሲያወሩን በጥሞና እናዳምጣለን (የተሰበሰበ ቀልብ ይኖረናል)፡፡ ድንገት የሚያውቁት ሰው ካለ በማለት አካባቢን እያስተዋሉ መሄድ፡፡ (ምክንያቱም ገንዘብ በኪስ አለ፤ ሻይ ቡና እንበል ቢባሉ ቢያንስ ወጪን ተጋርቶ ለመክፈል ቢበዛ ደግሞ ለመጋበዝ ይችላሉ፡፡)

የደሞዝ ሰሞን 3

የሌለን ነገር ግን ሊኖረን ይገባል የምንለው ነገር ይበዛል፡፡ በተለይ ልብስ፣ ጫማ፣ መጽሐፍ፣ የቤት ቁሳቁስ…እና የመሳሰሉት ከዝርዝራችን ውስጥ የመካተት እድላቸው ሰፊ ነው፡፡ በመንገዳችን ያገኘነው መገበያያ ቦታ ወይም ሥራዬ ብለን እገበያው ቦታ በመሄድ የምንፈልገው ነገር እንዳለ እናያለን፡፡ እናማርጣለን፡፡ ልንገዛም ላንገዛም እንችላለን ነገር ግን ለማየትም እንኳን ቢሆን የምንሄደው የደሞዝ ሰሞን ነው፡፡ ይህ አምሮታችን የበዛ ከሆነና ያማረንን ሁሉ የምንገዛ ከሆነ የጠብሽ ሰሞንን ያለጊዜው እንዲመጣ ያፋጥናል፡፡

የደሞዝ ሰሞን 4

ለቀን ወጪያችን መጠንቀቅ አይታይብንም፡፡ የእግር መንገድ እንጠላለን፡፡ አውቶብስ፣ ሃይገር ባስና ሌሎች ታሪፋቸው ዝቅተኛ የሆኑ ትራንስፖርቶችን አንጠቀምም፡፡ የምንመገብበት ምግብ ቤት ከሌላው ቀን ደረጃው ከፍ ያለ ይሆናል፤ ምሳ ከቤት ቋጥሮ መምጣት ይረሳና የምግብ ቤቶች ተጠቃሚ እንሆናለን፡፡

የደሞዝ ሰሞን –ሌሎች

በየሳምንቱ የሚወጡ ትኩረታችን የሚስቡ ጋዜጦችን እና መፅሄቶችን ገዝቶ ማንበብ፡፡ የሚያዝናንን ነገር ለምሳሌ እንደ ፊልም እና ቲያትር ማዘውተር፡፡ መጠጥ፣ ሲጋራ፣ ጫት እና የመሳሰሉ ሱሶችን በምርጫችን ማስተናገድ፡፡ እራስን ማዝናናት፡፡ ‹‹ቺክ›› ለመጥበስ ወይም ፍቅረኛን ለማግኘት ማቀድ እና ተግባራዊ ማድረግ፡፡ በዚሁ ወደጠብሽ ሰሞን እንሸጋገር…

የጠብሽ ሰሞን 1

ደሞዝተኛ ደሞዙን ጨርሶ ቀጣዩ ደሞዙ እስከሚደርስ ያለውን ጊዜ ለማሳለፍ የተለያዩ ዘዴዎችን መጠቀም ይጠበቅበታል፡፡ ከዛ ውስጥ አንዱና ዋነኛው ተበድሮ ያን የጠብሽ ጊዜ በቁጠባና በማብቃቃት ጥበብ ማሳለፍ ነው፡፡ ስለዚህ አንድ ደሞዝተኛ አንድ ወይም ከዚያ በላይ የሆኑ አበዳሪዎች እንዲኖሩት ከሚሠራው ሥራ ባልተናነሰ ተግቶ መሥራት አለበት፡፡ አበዳሪዎች ቋሚ ወይም የተለያዩ ሊሆኑ ይችላሉ፡፡ መ/ቤቱ የገንዘብ ሰብሳቢ ካለውና ገንዘብ ሰብሳቢ የሆነው ሰው ወይም ጓደኛ ከሆኑ  ብዙም ሳይጨናነቁ ብድር በቀላል የማግኘት እድላቸው ሰፊ ነው፡፡  ‹አበዳሪ ሲያበድር የሰጠ ይመስለዋል› የምትለዋ አባባልም በተበዳሪ የተፈጠረችና በጠብሽ ወቅት በአበዳሪና ተበዳሪ ግንኙነት ተደጋግማ የምትጠቀስ ናት፡፡

የጠብሽ ሰሞን 2

ከጓደኛ ጋር ያለንን ግንኙነት እንቀንሳለን፣ ለወሳኝ ጉዳይ ካልሆነ በስተቀር ስልክ አለመደወልን እንመርጣለን ወይም ሚስድ ኮል እናደርጋለን፣ ጓደኞችን ለማግኘት ብዙም ደስተኞች አንሆንም፣ ከማንኛውም ሰው ጋር ባንገናኝ እንመርጣለን፣ ብዙ ጊዜ ስልካችንን ልናጠፋ እንችላለን፣ ሰዎች ሲያወሩን ቀልባችንን ሰብስበን አናዳምጥም፣ በራስ የመተማመን መንፈሳችን ይቀንሳል፡፡

የጠብሽ ሰሞን 3

በጣም አስቸኳይ እና በእለቱ አስፈላጊ ካልሆነ በስተቀር የምንገዛው አዲስ ነገር አይኖርም፡፡ አዲስ የሚገዙ ነገሮችን አይናችን እንዳያይ መከልከል ባንችልም ለአእምሮአችን ግን ያየነው አዲስ ነገር እንዴት እንደማያስፈልገን፤ ባለን ነገር መቆየት እንደምንችል፣ ከለው ሰው ተውሰን መጠቀም እንደምንችል እና የመሳሰሉ ምክንያቶችን እንነግረዋለን፡፡

የጠብሽ ሰሞን 4

ወጪያችንን ለመቀነስ ከፍተኛ ጥረት እናደርጋለን፡፡ ዋጋው ረከስ ያለ ቤት ተመርጦ መመገብ ይጀመራል፡፡ አውቶብስ፣ ሃይገር ባስና የመሳሰሉትን ዝቅተኛ ታሪፍ ያላቸውን የትራንስፖርት መንገዶችን እንጠቀማለን፡፡ የተወሰነ መንገድ በእግር ልንጓዝ እንችላለን፡፡ ምሳ ቋጥረን መምጣታችንን እንጀምራለን፡፡ እነዚህን ስናደርግ ግን ጠብሽ ሰሞን ላይ በመሆናችን እንዳልሆነ ለማሳወቅ የተለያዩ ምክንያቶችን ስንሰጥ ይሰማል፡፡ ለምሳሌ የምግብ ቤቱን፡- ‹ምግቡ እኮ ያው ነው ዋጋው ብቻ ነው፡፡ የዚ የዚ….›፡፡ የትራንስፖርቱን፡- ‹ከታክሲ እኮ ቀድሞ የሚደርሰው ባስ ነው፡፡ በዛ ላይ ቀጥታ ሰፈሬ ያደርሰኛል…›፡፡ በእግር መጓዛችንን ደግሞ ለጤንነት ወይም ክብደት ለመቀነስ ጥሩ ነው ብለን እንደሆነ እንናገራለን፡፡ ምሳ ቋጥረን ስንመጣ ‹የሆቴል ቤት ምግብ እኮ ጥሩ አይደለም፡፡ በምን እንደሚሠሩት አይታወቅም፡፡ ምንም ቢሆን እቤት የተሠራ ይሻላል፡፡….› እና የመሳሰሉትን ምክንያቶች እንሰጣለን እንጂ የተበደርናትን ብር አብቃቅተን እስከ ደሞዝ ለመድረስ የምናደርገው እንደሆነ አንናገርም፡፡

የጠብሽ ሰሞን–ሌሎች

ጋዜጣ እና መጽሔት ገዝተን እናነብ የነበርን ወደ ኪራይ እንገባለን፡፡  የገዛ ወይም የተከራየ ሰው ተውሰን ልናነብም እንችላለን፡፡ ፊልም እና ቲያትር ማየት አያምረንም፡፡ መዝናናት አይታሰብም፡፡ የሱስ ነገር ስለማይሆንልን ተጋባዥ የምንሆንበትን አጋጣሚ እናመቻቻለን፡፡ በተወሰነም ፍላጎታችንን እንገድባለን፡፡ ፍቅረኛን ለማግኘትና ‹‹ቺክ›› ለመጥበስ ይህን ወቅት አንመርጠውም፡፡

እነዚህን ብቻ ሳይሆን ብዙ ነገሮችን እየሆንን እና እያደረግን፤ ሁለቱ ወቅቶች እየተፈራረቁ ሲገዙን ወሩ ያልቃል፡፡ በዚህ ተመሳሳይ ዑደትም ቀናት ወራትን፤ ወራት ዓመታትን እየሆኑ ጌዜዎች ያልፋሉ፡፡

በተመሳሳይ ጉዳይ ላይ በሁለቱ ወቅቶች የሚኖረን አስተሳሰብ የተለያየ ነው፡፡ በተለይ የገንዘብ አወጣጥ መርሓችን በሁለቱ ወቅቶች ፍፁም አይገናኝም፡፡ የጠብሽ ሰሞን በምንከተለው የገንዘብ አወጣጥ ቀመር እየተመራን ሙሉ ወሩን ማሳለፍ ብንችል የት በደረስን ብዬ አስብና እሱን ለማሰብ ግን የጠብሽ ሰሞን ጭንቅላት እንደሚጠይቅ ትዝ ሲለኝ እተወዋለሁ፡፡ ልክ ይህን ጽሑፍ ለጻፈፍ የጠብሽ ሰሞን ጭንቅላት እንደጠየቀኝ ሁሉ ማለት ነው፡፡

ረጅም እድሜ ለአበዳሪዎቻችን!

—–

* ጠብሽ – በኢ-መደበኛ (‹‹የአራዳ››) አነጋገር ዘይቤ ባዶ ኪስ ወይም የችግር ሁኔታን ይገልጻል፡፡

ምነው ኖርዌ ምነው ኦስሎ[ወለላዬ ከስዊድን]

ሀገራችን በግፍ ችንካር ተከንችራ፤.............. በሞት ሽረት ተውጥራ፤

የመከራ የጭንቅ ማቅ፤............. ተከናንባ ስትማቅቅ፤

ከግፈኞች መዲፍ ወጥተን፤............ ባንቺ ጉያ ተወሽቀን፤

ግዜ ባማጥን ቀን በገፋን፤............... ምነው! ምነው! ምነው! ኖርዌይ ምነው! ኦስሎ?

ችግራችን ታየሽ ቀሎ። ...........ምን አጥፍተን ጨከንሽብን .......ምነው ፊትሽ ጠቆረብን፤

ምነው ጣልሽን ከእቅፍሽ፤ ..........ምን አረግን ምን በደልንሽ?

ደራሽ ሆነሽ ለተጎዳ፤ ..........አግኝተሽን ባንችው ጓዳ፤

ምነው ውጪ ወረወርሽን፤ ..............በምን ጥፋት ተቀየምሽን?

ምነው! ምነው! ምነው ኖርዌ ምነው! ኦስሎ? ........ችግራችን ታየሽ ቀሎ?

ምነው ኦስሎ ምነው ኖርዌ፤ .............ሀገራችን የዘር ደዌ፤

ይዟት ታማ ስትማቅቅ፤ ............በችግሯ ስትጨነቅ፤

የሰው ክብር ሰብዓዊነት፤ .........ዱሞክራሲ እኩልነት፤ ......ጭራሽ አጥታ ቆማ እራቁት፤

ሕግ ጠፍቶ ፍርድ ሲጎድል፤ .........ባንቺ ጉያ ብንጠለል፤

ጉዳጉዱን በጠረግን፤ ...........ስርቻውን ባጣጠብን፤

ምን አጥፍተን ምን በደልን፤ ..........ፀዲል ፊትሽ ጠቆረብን።

ጉያሽ ኖረን ሇብዙ ዓመት፤ .........ሳንጨብጥ ትንሽ ቅሪት፤

ካንቺው ወስደን፤ ......ላንቺው ሰጥተን፤ .......አጎብሰን አንገት ደፍተን፤ ......ግብር ከፍለን ሕግ አክብረን፤

አጎንብሰን አንገት ደፍተን፤ ...........በኖርንብሽ በመዋተት፤

ምነው! ኖርዌ ምነው? ኦስሎ፤ .........ችግራችን ታየሽ ቀሎ?

ደጅሽ ተርፎ ተትረፍርፎ፤ ...........እጅግ በዝቶ ሀብትሽ ገዝፎ፤

ሆነሽ ሳለ ሀብታም ምድር፤ ............ምነው? ጣልሽን እኛን ላአሳር?

ሲቸግረው ሰው ሲከፋ፤ ................በሀገሩ ሲያጣ ተስፋ፤

ሁለም ቢሆን ይሰደዳል፤ .............ዛሬም አለ ፊትም ደርሷል።

ሆኖም ወጥቶ ለሚጠለል፤ ........የታላቁ መጽሐፍ ቃል፤ ........ድጋፍህን ስጠው እንዱል …

እያወቅሽው እያስተማርሽ፤ ..........በዓለም ዙሪያ እየሰበክሽ፤ ..........ሰብዓዊ ሀገር ጥሩ እያለሽ፤

ምነው በእኛ እንዲህ ጨከንሽ? .............ምነው! ምነው! ምነው! ኖርዌ ምነው! ኦስሎ፤

ችግራችን ታየሽ ቀሎ?

ሰበር ዜና ከጠቅላይ ሚ/ር ሃይለማርያም መኝታ ቤት እና የቤተሰብ ሳሎን ውስጥ ምስጥራዊ የድምጽ መቅጃ ተገኙ !!!

 

ሰበር ዜና
ከጠቅላይ ሚ/ር ሃይለማርያም መኝታ ቤት እና የቤተሰብ ሳሎን ውስጥ ምስጥራዊ የድምጽ መቅጃ ተገኙ !!!

ከቤተ መንግስት ታማኝ ምንጮች ዛሬ ባገኘሁት መረጃ መሰረት የአቶ ሃይለማርያም ትንሽዋ ልጅ እጹብ ባባትዋ መኝታ ቤት በረቀቀ መንገድ ከአልጋው ተያይዞ የተቀመጠ ምስጢራዊ የድምጽ መቅጃ በማግኘትዋ...ይህንን ተከትሎ በተደረገው ከፍተኛ ፍተሻ በቤተሰቡ ሳሎን ውስጥም ሌላ ተመሳሳይ መገኘቱን የምንሊክ ሳልሳዊ ምንጮች አሳብቀዋል::

ቤተሰቡ በከፍተኛ ውጥረት ውስጥ እንደገባ እየተነገረ ባለበት በዚህ ወቅት ይህ መገኘቱ ከሌላ የስነልቦና ቀውስ እንዳይዳረጉ በመስጋት የሃዋርያ ቤተ ክርስቲያን መሪዎች ከነተከታዮቻቸው ለጽሎት በጠ/ሚ መኖርያ ከትመዋል::

ምንጮቼ እንዳሉኝ በከፍተኛ አይነቁራኛ የሚጠበቁት ሃ/ማርያም እያንዳንዱ እንቅስቃሴያቸው በየሰአቱ ለ ሕወሓት አመራሮች ወኪል ዸብረጺሆን ሪፖርት ይደረጋል::ከጥቂት ቀናት በፊት ሶስና ለተባለች ልጃቸው ካልታወቀ ሰው..በሞባይል ቁጥርዋ በኢንተርኔት መስመር ተደውሎ `` አባትሽ የስልጣን መልቀቂያ እንዲያቀርብ ግፊት አድርጉበት ....`` የተባለች ሲሆን ` ይህንን ንግግር ሪኮርድ አድርጋ ለአባትዋ እንድታሰማ በታዘዘችው መሰረት አድርጋዋለች:: ይህንን ደሞ ሊያደርግ የሚችለው ሕወሓት ብቻ ነው ሲሉ ምንጮቹ ጠቁመዋል::

የቤተሰቡ ምንጮች እንደሚሉት አቶ ሃ/ማርያም ...እነዚህ ሰዎች ሊያሰሩን አልቻሉም ከጌታ ሊያጣሉኝ ነው ሲሉ ተሰምተዋል::

ይህ በእንዲህ እንዳለ አቶ ሃይለማርያም ደሳለኝ ከቀድሞው ወድጆቻቸው ጋር ተገናኝተው በነበረ ጊዜ ሕወሃት ሊያሰራቸው እንዳልቻለ / http://www.ethiopianreview.com/content/43279 / ገልጠዋል::
የወታደሩን ክፍል እና ቢሮክራሲውን በተለየ የተቆጣተሩት ህወሃቶች አቶ ህ/ማርያም ምንም አይነት ዉሳኔ እንዳያደርጉ ተጽእኖ ፈጥረውባቸዋል ሲሉ አንድ ወዳጃቸው ተናግረዋል:: በደህንነት የተከበቡት እኚህ ምስኪን ሰው እንደ በላይ ተቆጣጣሪ ሃገራዊ ጉዳዮችን የተመለከቱ ሪፖርቶችን በወቅቱ እንደማያገኙ ተናግረዋል::

አቶ ሃይለማርያም ለፖለቲካ እስረኞች ምህረት ማድረግ እየፈለጉ በሕዋሓት ተጽእኖ ምንም ሊወስኑ አልቻሉም::
ከኤርትራ መንግስት ጋር ለአከባቢው ሰላም ሰላማዊ ግንኙነት እንዲፈጠር ለመስራት ቢፈልጉም ህወሃት በዚህ ጉዳይ እንዳይገቡበት አስጠንቅቁዋቸዋል::
የአባይን ግድብ በተመለከት ሃይለማርያም የፖለቲካ መጭበርበር እንደተደረገባቸው እየተናገሩ ሲሆን መለስ ዜናዊ ካረፉ በሁዋላ ሕወሓት ፕሮጀክቱ እንዳይንቀሳቀስ እንቅፋት በመሆን የፕሮጀክቱ ገንዘብ እና ንብረት እንዲመዘበር አድርጉዋል...ሰራተኞች ክፍያቸዉን እንዳያገኙ ችግር ፈጥሩዋል...እስከዛሬ የተሰበሰበው ገንዘብ እንዳይታወቅ እንቅፋት ሆነዋል ሕወሓቶች!!!! እንዳሉት የቤተ መንግስት ምንጮች::

መጪውን እሑድ - ከቅዳሴ በኋላ “ከፓትርያርክ ምርጫ ዕርቅና ሰላም ይቅደም” የምንልበት ቀን ስለማድረግ

(ደጀ ሰላም ታኅሣሥ 12/2005 ዓ.ም፤ ዲሴምበር 21/2012/ READ IN PDF)፦ ቤተ ክርስቲያናችን በመስቀልያ መንገድ ላይ እንድትቆም ያደረጉ ዋነኛዎቹ ርዕሰ ጉዳዮች ሁለት ናቸው። የመጀመሪያው ለ20 ዓመታት በውግዘት የተለያዩ አባቶች አንድ እንዲሆኑ፣ አንዲት ቤተ ክርስቲያን፣ አንድ አስተዳደር፣ አንድ ቅ/ሲኖዶስ እንዲኖረን ለማድረግ ያልቻልነው ለምንድነው? የሚለው ሲሆን ሁለተኛው ደግሞ 20 ዓመት ለቆየው የአባቶች በውግዘት መለያየት ዓምድና ምልክት የነበረው የፕትርክናው ሥልጣን ጉዳይ ነው።

እንደ እግዚአብሔር ፈቃድም ይህ ልዩነቱ ሊፈታ የሚችልበት ጭላንጭል ታይቶ ነበር። ነገር ግን ይህንን የተስፋ ጭላንጭል በሚያዳፍን መልኩ በጥቂት የቅ/ሲኖዶስ አባላት ግፊት 6ኛ ፓትርያርክ ለመሾም “አስመራጭ ኮሚቴ” ተቋቁሟል። “የቤተ ክርስቲያኔ ጉዳይ ያገባኛል” የሚሉ ምእመናን በሙሉ ውሳኔውን በጽኑዕ በመቃወም ላይ ይገኛሉ። ይህንን “ከኮምፒውተር ጀርባ”ና በስልክ የሚደረግ የኢንተርኔት ተቃውሞ መልክ ለመስጠት በመጪው እሑድ፣ ቅዳሴ ካለቀ በኋላ በየአጥቢያችን በመሰባሰብ ይህንን ሐዘናችንንና መከፋታችንን እንዲሁም በውሳኔው ማዘናችንን ለቅዱስ ሲኖዶስ አባላት ለመግለጽ መሰባሰብ ይኖርብናል።

ሰንበት ት/ቤቶች፣ ማኅበራት፣ ሰንበቴዎች እና ምእመናን በሙሉ ከሚያውቋቸው ሰዎች በመጀመር ለእሑዱ ቀጠሮ መያዝ እና የመሰባሰቡን ሁናቴ መልክ መስጠት መጀመር ይኖርባቸዋል። ዓላማችን አንድ ነው። እርሱም “ሃይማኖታችንን እና ሃይማኖታችንን ብቻ የተመለከተ ነው”። ስብስባችንን የሚጠሉ ሰዎች በፖለቲካ በማሳበብ በመንግሥት ዱላ ለማስደብደብ የሚያደርጉት ሙከራ እንደሚኖር ስለምናውቅ ከወዲሁ ለሚመለከተው ሁሉ ዓላማችንን መግለጽ እንፈልጋለን። መነጋገር የምንፈልገው ከቅ/ሲኖዶስ አባላት ብፁዓን አባቶች ጋር ነው። ይህንን በተመለከተ ሁላችሁም ሐሳባችሁን በመጨመርና በማስፋፋት መልክ ትሰጡት ዘንድ ደጀ ሰላም በትህትና ጥሪዋን ታቀርባለች።

ይህንን ፍፁም ሃይማኖታዊ ጥያቄ ሌላ መልክ ለመስጠት፣ ኢሕአዴግ ላይ የተነሣ ሰላማዊ ሰልፍ ለማስመሰል የሚሞክሩትን በግልጽ ከወዲሁ መልስ ልንሰጣቸው ያስፈልጋል። በሃይማኖት ስም ፖለቲካ አንነግደም። ፖለቲካውን በራሱ በፖለቲካነቱ የማራመድ ሙሉ ኢትዮጵያዊ መብት አለን። በዜግነታችን እርሱን በቦታው ማድረግ እንችላለን። አሁን የምንጠይቀው ጥያቄ ሃይማኖታዊ ነው፤ ማቅረብም የምንፈልገው ለቅ/ሲኖዶስ ነው ማለት ይገባናል።

እስካሁን ባየነው፣ ክርስቲያኑ ማንኛውንም ጥያቄ ለማንሣት ሲነሣ “በመጽሐፍ ቅዱስ ጥቅስ” ጭንቅላት ጭንቅላቱን በማለት ክርስቲያኑ እንዳይተባበር፣ እንዳይሰባሰብ፣ እንዳያውቅ፣ እንዳይጠይቅ የሚያደርጉ የተደራጁ ክፍሎች እንዳሉ ደጀ ሰላም ለማሳሰብ ትፈልጋለች። እነዚህ ሰዎች ፌስቡክን በመሳሰሉ ቦታዎች በመበተን ለሁሉም የክርስቲያኑ ጥያቄ የተጣመመ ሃይማኖት ቀመስ ማብራሪያ በመስጠት የሰዉን አፍ ያስዘጋሉ።

ለምሳሌ በተደጋጋሚ ከሚያነሷቸው አስተያየቶች አንዱ “ዋናው ጸሎት ነው፤ ሌላ ምንም ነገር አያስፈልግም” የሚል ነው። ጸሎት የሁሉ ነገር መጀመሪያና መጨረሻ ነው። ወሳኝ ነው። በጸሎት የማይለወጥ ነገር የለም። የኤርትራ ባሕር የተከፈለው፣ የኢያሪኮ ግንብ የፈረሰው፣ የአናብስት አፍ የተዘጋው ወዘተ በጸሎት ነው። ነገር ግን ጸሎት ያለ ሥራ/ምግባር ብቻውን አልነበረም። ሙሴ ከግብጽ እስከ ከነዓን ተጉዟል፣ ኢያሱ ኢያሪኮን ግንብ እየዞረ እንጂ ቁጭ ብሎ አልጮኸም፣ ዳንኤል ቀን ከሌሊት ወደ እግዚአብሔር ተማጠነ፤ ጉድጓዱ ከለከለው እንጂ። ስለዚህ “ጸሎት ብቻ” በሚል የክርስቲያኑን ልብ ከሥራ የሚያቀዘቅዙትን ልንነቃባቸው ይገባል።

ከዚህም በላይ የክርስቲያኑ ጥያቄ “አመጽ” የሆነ ይመስል ክርስቲያን አያምጽም በሚል ለማቀዝቀዝ ይፈልጋሉ። አመጽ የሰይጣን ነው። ነገር ግን ክፉ ነገርን መቃወም ግዴታችን ነው። ሰው ባንጎዳም ራሳችን ለሰማዕትነት ለማቅረብ ማን ይከለክለናል። “እክህደከ ሰይጣን” ብለን እንነሳለን። የተጣመመ ሃይማኖታዊ ትምህርት የምታስተምሩትን ነቅተንባችኋል እንላችኋለን።

እስከ እሑድ ባለው ጊዜ ለመነሻ እንዲሆን ይህንን ለማድረግ እንሞክር፦  

• መረጃውን ለመላው ሕዝበ ክርስቲያን እናድርስ፣ (በስልክ የኤስ.ኤም.ኤስ መልእክቶች፣ በፌስቡክ፣ በትዊተር)፣
• ዜናውን ለመገናኛ ብዙኃን እናድርስ፣
• ብፁዓን አባቶችን በስልክም በአካልም በመቅረብ ስለ ጉዳዩ ማነጋገር፣ በውሳኔው እንደማንስማማ እናሳውቅ፣
• ጉዳያችን እና ዓላማችን “ድብቅ የፖለቲካ አጀንዳ” ሳይሆን የቤተ ክርስቲያናችን አባት የመምረጥ ጉዳይ መሆኑን ለሚመለከታቸው አካላት አለ ፍርሃትና ያለ ሥጋት እንግለጽ፣
• ከመንግሥት አካላት የተደበቀ የመሥራት ፍላጎት እንደሌለን ከወዲሁ በተደጋጋሚ እንግለጽ፣
• በአገር ውስጥ ያሉ ጋዜጦችና መጽሔቶች ለጉዳዩ ሽፋን እንዲሰጡት እናበረታታ፣
• የውጪ አገር ኢትዮጵያውያን ሚዲያዎችም በአንድ ድንጋይ ሁለት ወፍ በሚል በዚሁ ሰበብ ኢሕአዴግን ለመተቸት ሳይሆን ጉዳዩን ለክርስቲያኑ ሕዝብ በማይጎረብት መልክ እንዲያቀርቡት እናግዝ፣
• ኦርቶዶክሳውያን ጡመራ መድረኮችም ዜናዎችን በትብብርና በኅብረት ለምእመኑ እናድርስ፣
• እሑድን ለቤተ ክርስቲያን ጥያቄ ማቅረብ የምንጀምርበት የመጀመሪያው ቀን እናድርገው።

• 
  
• 
  

ቸር ወሬ ያሰማን፣ አሜን።

  

ሰር ዜና:- የኢትዮጵያ ብሔራዊ ቡድን ተጫዋቾች አድማ መቱ! ትልቁ ዳቦ ሊጥ ሆነ!!

ትልቁ ዳቦ ሊጥ ሆነ!!ለ 29ኛዉ የአፍሪካ ዋንጫ በዝግጅት ላይ ያለዉ ብሔራዊ ቡድናችን ተጨዋቾች እግር ኳስ ፌዴሬሽኑ ላይ ባላቸዉ ቅራኔ በ09/04/2005 ዓ.ም ለሁለት አመት ብሔራዊ ቡድኑን ስፖንሰር ያደረገዉ ሔንከን ቢራ ባዘጋጀዉን የፎቶ የመነሳት ፕሮግራም ላይ ፎቶ አንነሳም በማለት የተጀመረዉ ተቃዉሞ በዛሬዉ አለት ደግሞ (10/04/2005 ዓ.ም) የዕለቱን ልምምድ (training) ባለመስራት ተቃዉሟቸዉን እንደቀጠሉ ምንጮች ጠቆሙ፡፡ተጨዋቾቹ የሚያነሱት ዋነኛዉ ጥያቄ…..የፌዴሬሽኑ አመራር አባላት ከ 31 አመታት በኃላ ለአፍሪካ ዋንጫ በማለፋችን ያደረጉልን ምንም ነገር የለም (በአጭር ንግግር ቃል የተገባልን የሽልማት ገንዘብ አልተከፈለንም ማለታቸው ነው) ቢያንስ ባረፍንበት ሆቴል እንኳን መተዉ በዚህ ጉዳይ ላይ ሊያነጋግሩን አልቻሉም የሚል ሲሆን፤ በተፈጠረዉ ጉዳይ ላይ ለመነጋገር የፌዴሬሽኑ የስራ አስኪያጅ ኮሚቴ በፅህፈት ቤቱ አስቸኳይ ስብሰባ ተቀምጧል፡፡ ችግሩ በፍጥነት ተፈትቶ ወደ ስራ እንዲገቡ ብልሐት የተሞላበት ዉሳኔ እንጠብቃለን።፡፡በአስቸኳይም ወደ ልምምዳቸው እንዲመለሱ የሁሉም ስፖርት ቤተሰብ ምኞት ነው። የወዝግቡን ሂደት እየተከታተልን በትኩሱ ለማቅረብ ጥረት እናደርጋለን።

ይህ በእንዲህ እንዳለ የኢትዮጵያ እግር ኳስ ፌዴሬሽን በአፍሪካ በሞባይልና ኢንተርኔት አገልግሎት አቅራቢነት ከሚታወቀው የደቡብ አፍሪካው MTN ኩባንያ ጋር የስድስት ሚሊዮን ብር የስፖንሰር ስምምነት ለማድረግ እየተነጋገረ ሲሆን በቅርቡም ስምምነት ላይ ይደርሳል ተብሎ ይጠበቃል፡፡ ከሳምንት በፊት ከታላቁ የቢራ አምራች ድርጅት ከሆነዉ ሔንከን ቢራ ጋር የሁለት አመት የስፖንሰር ስምምነት በ24 ሚሊዮን ብር ($ 1.3 million) ማድረጉ ይታወሳል፡፡ በዚሁ ዕለት የፌዴሬሽኑ የማርኬቲንግ ኮሚቴ ሰብሳቢ አምባሳደር ተወልደ ገብሩ ከስምምነቱ የሚገኘው ገንዘብ ለተጨዋቾቹ አስፈላጊው ሁሉ እንዲሟላላቸው ከማድርግ ባለፈ ከክለቦች ጋር ምንም ትስስር አይኖረውም ማለታቸዉ ይታወሳል።
ይህ በእንዲህ እንዳለ የኢትዮጵያ እግር ኳስ ፌዴሬሽን በአፍሪካ በሞባይልና ኢንተርኔት አገልግሎት አቅራቢነት ከሚታወቀው የደቡብ አፍሪካው MTN ኩባንያ ጋር የስድስት ሚሊዮን ብር የስፖንሰር ስምምነት ለማድረግ እየተነጋገረ ሲሆን በቅርቡም ስምምነት ላይ ይደርሳል ተብሎ ይጠበቃል፡፡ ከሳምንት በፊት ከታላቁ የቢራ አምራች ድርጅት ከሆነዉ ሔንከን ቢራ ጋር የሁለት አመት የስፖንሰር ስምምነት በ24 ሚሊዮን ብር ($ 1.3 million) ማድረጉ ይታወሳል፡፡ በዚሁ ዕለት የፌዴሬሽኑ የማርኬቲንግ ኮሚቴ ሰብሳቢ አምባሳደር ተወልደ ገብሩ ከስምምነቱ የሚገኘው ገንዘብ ለተጨዋቾቹ አስፈላጊው ሁሉ እንዲሟላላቸው ከማድርግ ባለፈ ከክለቦች ጋር ምንም ትስስር አይኖረውም ማለታቸዉ ይታወሳል።ይህ በእንዲህ እንዳለ የኢትዮጵያ እግር ኳስ ፌዴሬሽን በአፍሪካ በሞባይልና ኢንተርኔት አገልግሎት አቅራቢነት ከሚታወቀው የደቡብ አፍሪካው MTN ኩባንያ ጋር የስድስት ሚሊዮን ብር የስፖንሰር ስምምነት ለማድረግ እየተነጋገረ ሲሆን በቅርቡም ስምምነት ላይ ይደርሳል ተብሎ ይጠበቃል፡፡ ከሳምንት በፊት ከታላቁ የቢራ አምራች ድርጅት ከሆነዉ ሔንከን ቢራ ጋር የሁለት አመት የስፖንሰር ስምምነት በ24 ሚሊዮን ብር ($ 1.3 million) ማድረጉ ይታወሳል፡፡ በዚሁ ዕለት የፌዴሬሽኑ የማርኬቲንግ ኮሚቴ ሰብሳቢ አምባሳደር ተወልደ ገብሩ ከስምምነቱ የሚገኘው ገንዘብ ለተጨዋቾቹ አስፈላጊው ሁሉ እንዲሟላላቸው ከማድርግ ባለፈ ከክለቦች ጋር ምንም ትስስር አይኖረውም ማለታቸዉ ይታወሳል።

የፀጋዬ ግጥሞች 2ኛ

የፀጋዬ ግጥሞች ልክ እንደ ማንኛውም ግጥም ይዘታቸው የተለያየ ነው። ነቢይ መኮንን ከጠቃቀሳቸው
የተወሰኑትን እናያለን። በመጀመሪያ ግን እስኪ የፀጋዬን የእንግሊዘኛ ግጥሞች
8
እንቋደስ።5
« »
A lover love-rejected
With a spirit dejected,
A monk God-forsaken
Whose total faith is shaken,
Are less lost than dreamer
Into whose peace a “question”
Plunged like a knife
And woke him to life,
To search, to find his way
To dodge, to fight his way
Not dream it away!
« ?»
I did not know, oh Sir that I stood on your way
It all happened in chance; argument is unfit,
If we fight, others will benefit,
And as this road is also where my future lay,
Destiny forces me to answer you with “Nay”
Pray lose no temper; lest you commit
A risk to result in a regrettable wit,
For, if there be crime, guilty is just the day;
I am also in yours as you are in my shoes
So do let us shift Sir, to either side
However painful it becomes, we should, though
We realize that it isn’t much to lose
That in spite of us the way is wide 6
And that after all, some day, both of us go.
« »
Showers of anguish
Rain, do not exhaust
Ocean of revenge
Of the innermost
Voice of the betrayed
Comfort of the lost,
Tears torn itself
Blood of the heart.
« »9
I am the first Earth Mother of all fertility
I am the Source I am the Nile I am the African I am the beginning
O Arabia, how could you so conveniently have forgotten
While your breath still hungs upon the threads of my springs
O Egypt, you prodigal daughter born from my first love 
I am your Queen of the endless fresh waters
Who rested my head upon the arms of Narmer Ka Menes
When we joined in one our Upper and Lower Lands to create you
O Sudan, born out of the bosom of my being
How could you so conveniently count down
In miserable billions of petty cubic yards
The eternal drops of my life giving Nile to You
Beginning long before the earth fell from the eyeball of heaven.
O Nile, that gush out from my breath of life 7
Upon the throats of the billions of the Earth’s thirsty multitudes,
O World, how could you so conveniently have forgotten
That I, your first fountain, I your ever Ethiopia
I your first life still survive for you?
I rise like the sun from the deepest core of the globe
 I am the conqueror of scorching pestilences
I am the Ethiopia that ‘stretch her hands in supplication to God’
I am the mother of the tallest traveler on the longest journey on
Earth
...
ለአባይ ቅኔ ያልዘረፈለት ተቀኚ፣ ስንኝ ያልቋጠረለት ገጣሚ፣ ቃላት ያልደረሰለት ደራሲ፣ ያላዜመለት ድምፃዊ፣
ያልተጠቀሰለት ምሳሌ፣ ወዘተ ...  የለም። ሲሻገሩት አድንቀውታል። አምላኪዎቹ ሰግደውለታል -  ጪዳ
ገብረውለታል። በምንጩ ምንነት ተከራክረውብታል -  ሁሉም አወድሰውታል።
10
ግና ማን እንደ ፀጋዬ።

ዝክረ ሎሬት ፀጋዬ ገ|መድሕን 1ኛ

ጸጋዬ ገብረ መድህን (1928-1998) ባዳ ተብላ በምትታውቅ አምቦ ካተማ አካባቢ በምትገኝ ተራራማ ቦታ ተወለዱ። በአምቦ ማአረገ ሕይወት ቀኃሥ ትምህርት ቤት ከዚያም ጀነራል ዊንጌትና በአዲስ አበባ የንግድ ትምህርት ቤት በአገር ውስጥ ትምህርታችውን ከገፉ በኋላ በቺካጎ ብላክስቶን በህግ ትምህርት ተመርቀው በ1952 እንደ ውጡ በለንደን ከተማ የቴአትር ትምህርት በሮያል ኮርት ቴአትርና በፓሪስ ኮሜዲ ፍራንሴዝ ተከታትለዋል። ከ1954 እስከ 1964 የቤሄራዊ ቴአትር በአርቲስቲክ ዳይሬክተርነት አገለግለዋል። ከዚያም በአዲስ አበባ ዩኒቨርሲቲ የቴአትር ዲፓርትመንትን አቋቁመዋል።
ሆኖም በ1960ዎቹ ደርግ አብዛኛውን የቴአትር ስራዎቻቸውን ሲያግድ እሳቸውንም ለማሰር በቅቷል።
ብላቴን ሎሬት ጸጋዬ በርካታ ግጥሞችን፥ የቴአትር ሰራዎችን የተለያዩ መጣጥፎችንና ዘፈኖችን አበርክታዋል። ጸጋዬ በ1990 ለጉበት በሽታ ሕክምና በመሻት ወደ ማንሃታን በሄዱበት አርፈዋል። በአዲስ አበባ በስላሴ ቤተክርቲያን ተቀብረዋል። ነፍሳቸውን በአብርሃም እቅፍ ያኑርልን::
እንደ፡ አዉሮፓ፡ አቆጣጠር፡ በ 2002 ዓ.ም. የብላቴን ሎሬት ጸጋዬ፡ ገብረ መድህን፡ ግጥም፡ ("Proud to be African") በአዲስ፡ በተመሰረተዉ፡ የአፍሪካ፡ አንድነት፡ መህበር፡ በሕዝብ፥ መዝሙርነት፡ ተመርጧል።
 ... ...ብላቴን ጌታ ሎሬት ፀጋዬ ገብረመድሕን ቀዌሳ እነሆ በሞት ከተለየን ድፍን አስር  አመታት ተቆጠሩ። ቦዳ
(አምቦ) የተጀመረ ሕይወት ማንሀተን (ኒው ዮርክ) ተቋጨ። ግብአተ መሬቱም በቅድስት ሥላሴ ካቴድራል
(አዲስ አበባ) ተፈጸመ። ይቺ ፅሁፍ አራተኛ ሙት አመቱን (February 25, 2006) በማሰብ የግጥም ስራዎቹን
በግርድፉም ቢሆን በማውሳት እነሆ የፀጋዬ ዝክር ትላለችፀጋዬ ከማረፉ አራት አመታት ቀደም ብሎም በዶ/ር ኄራን ሠረቀብርሃን**** አስተባባሪነት በዋሽንግተን ዲሲ የፀጋዬ
ግጥሞች በሲዲ ተቀርፀው ተመርቀዋል።

1የእረፍት ዋዜማ

የስንብት ዝግጅት ይሆን። ትንቢት አስቀድሞ ለነገር እንዲሉ።

ፀጋዬ ከማረፉ አስራ አምስት ቀን አስቀድሞ የ«አንድምታ»  ባልደረባ አናግሮት ነበር። እስኪ ሁለቱን የሎሬት
ፀጋዬን ጥኡም ወጎች ላስቀድም።
በአፄ ምኒልክ ዘመን እንግሊዞች ቱርካና ሃይቅ አካባቢ ዝሆን ያድኑ ነበርና አንዴ አደናቸውን ተከትለው ሲገስግሱ
ከኢትዮጵያ ኬላ ደርሰው ኖሮ ድንበር አላሳልፍ ካሉ የኬላ ጠባቂዎች ጋር የተኩስ ልውውጥ ይደረግና ከአዳኞቹ
አንዱ በዚሁ ምክንያት ይሞታል። እንግሊዞችም አቤቱታ ያሰሙና ነገሩ አባ መላ (ፊታውራሪ ሀብተ ጊዮርጊስ)
ዘንድ ይደርሳል። እንግሊዞቹ ያለአግባብ ሰው እንደተገደለባቸው አመልክተው የደም ካሳ እንዲሆናቸው
ከኢትዮጵያ ድንበር ውስጥ መሬት እንዲሰጣቸው ነበር የጠየቁት። አባ መላ ነገሩን ያጠኑና ችግር እንደሌለው
ለእንግሊዞቹ ይገልጻሉ። ነገሩ ከመፈጸሙ በፊት ግን ይኸ ህግ እናንተ ሃገርም እንደሚሰራበት ማየት ስለምንሻ
በሰነድ መልክ ረቂቁ ካለ እስቲ እንየው። እውነት የእንግሊዝ ሰው የዌልስን ሰው ቢገድል እንግሊዝ ከመሬቷ
ለዌልስ የምትሰጥ ከሆነ እኛም እንሰጣለን። እሱም የሚሆነው ለተገደለብን የኬላ ጠባቂ ካሳ የሚሆን ከቱርካና
ሃይቅ አካባቢ መሬት ከተረከብን ይሆናል ብለው መለሷቸው።

ሰበር ዜና....16 የኣውሮፓ ፓርላማ ኣባላት ጋዜጠኛ እስክንድር ነጋ በአፋጣኝ እንዲፈታ የሚል ደብዳቤ ፃፉ!!!

16 Members of the European Parliament Call for the Release of Imprisoned Ethiopian Journalist Eskinder Nega

Washington, D.C.: Today, 16 members of the European Parliament issued a public letter to Ethiopian Prime Minster Hailemariam Desalegn expressing their grave concern regarding the continued detention of imprisoned journalist and blogger Eskinder Nega.

Arrested in 2011 and detained without access to an attorney for nearly two months, Mr. Nega was sentenced to 18 years in prison under the country’s broad 2009 Anti-Terrorism Proclamation on July 13, 2012. Mr. Nega’s arrest and prosecution came after he wrote online articles and spoke publicly about the possibility of an Arab Spring-like movement taking place in Ethiopia. After his sentencing, the government initiated proceedings to seize his assets, including the home still used by his wife and young son. An appeal hearing in the case is scheduled for Wednesday, December 19th.

The letter, notes that the Ethiopian government has an obligation to uphold the right to free expression and reminds the newly appointed Prime Minister that he has “the unique opportunity to lead Ethiopia forward on human rights and bring the country fully within the community of nations.” The letter closes by urging the Prime Minister to take all measures within his power “to facilitate the immediate and unconditional release of Mr. Nega.”

“This is an important recognition by members of the European Parliament from across the political spectrum that the right to free expression is universal and must be respected by the Ethiopian government,” said Freedom Now Executive Director Maran Turner. “Mr. Nega has been wrongfully detained in Ethiopia in violation of his right to freedom of expression, and he must be released.”

The text of the letter is copied below and a full PDF of the letter can be found at the below link. Freedom Now, a legal advocacy organization that represents prisoners of conscience around the world, serves as international pro bono counsel to Mr. Nega.

በዋልድባ ስቃዩ እና እንግልቱ ቀጥሏል

በዋልድባ ገዳም አካባቢ መንግሥት የተለያየ ሙከራዎችን እያደረገ እንደሚገኝ እና በገዳማውያኑ ላይ ስቃዩን እንደቀጠለ ይነገራል። ባለፈው ወር ላይ የገዳሙን አባቶች ጥቂት የመንግሥት ባለሥልጣናት ሰብስበው እንዳነጋገሯቸው እና ለጥር ፬ ቀን ቀጠሮ ሰጥተዋቸው እንደተበተነ ይታወሳል። በመጪው ጥር ፬ ቀን ምን ሊመጣ እንደሚችል በገዳማውያኑ ላይ ሊደርስባቸው የሚችሉትን፣ እንደ መንግሥት ባለሥልጣኖች አባባል በጥር ፬ ቀን በሚደረገው ስብሰባ ላይ የመንግሥት ተወካዮች ለገዳሙ አባቶች "ለቦታው ካሳ ተቀበሉ አለበለዚያ ሌላ ነገር ይመጣል" በማለት ገዳማውያኑን ለማስፈራራት ቢሞክሩም፥ ገዳማውያኑም "ሞትም ቢመጣ እኛ የአባቶቻችንን ርስት አሳልፈን አንሰጥም፣ እኛን ገላችሁ ሥራችሁን መስራት ትችላላችሁ" በሚል ሁኔውን እየተጠባበቁ ይገኛሉ።

ይህ በእንዲህ እንዳለ መንግሥት የገዳሙን ይዞታ የቋርፍ (የገዳማውያኑ ምግብ) የሚመረትበትን ቦታ ወስዶ ስላረሰው ገዳማውያኑ በከፍተኛ የረሃብ አደጋ ተጋልጠዋል፥ ከዚህ በተጨማሪ የገዳማውያኑ የሳር ቤት ክዳን ባለው ቤት ላይ ተባይ በማፍራቱ ገዳማውያኑን ለተጨማሪ አደጋ ተዳርገዋል። ከዋልድባ ዳልሻህ ኪዳነ ምሕረት የአንድነት ገዳም ሦስት የመነኮሳይት ቡድን ወደ አዲስ አበባ ተልኮ የአስቸኳይ የምግብ እርዳታ ለመጠየቅ መጥተው እንደነበር እና ነገር ግን ከቤተክህነቱም ምንም ዓይነት ድጋፍ ሳይደረግላቸው መነኮሳይቱ ወደ ባዕታቸው ለመመለስ ችለዋል። 

በቃ! ትቸዋለሁ (ወረፋ ይጠብቅ)

Alternative title (ወረፋ ይጠብቅ)

የሰሞኑ ዘፈኔ እና ትዝብቴ

በ Naod ቤተሥላሴ



የአሸብር በላይ ‹‹እኔ ነኝ ያለ›› የሚለውን ዘፈን የሰማሁት በቅርቡ ነው፡፡ የቆየ ዘፈን ይሁን አይሁን እንጃ፤ ለእኔ ግን አዲስ ነው፡፡ ባሕላዊ ዘፈን ይሏል ይሄ ነው፡፡ የወንዶቹን እስክስታ አይቼ አልጠገብኩትም፤ የሴቶቹን ኦሪጂናሊቲ አድንቄዋለሁ፤ ፉከራው ደስ ይላል፤ ከሁሉ በላይ ግን የዘፈኑ ታሪክ በጣም ነው ደስ ያለኝ፡፡ ሀገር መርቆ የሰጠውን ቆንጆ ሚስት የሚከላከል ጀግና አባወራን ጀግንነት የሚተርክ ዘፈን ነው፡፡

እንደ አጭር ልብወለድ የሚነበብ ታሪክ ያለው ዘፈን ወዳጅ ነኝ፡፡ ከዚህ ቀደም ተመሳሳይ ስሜት የሰጠኝ ተራኪ ዘፈን ‹‹ቅዳሜ ገበያ›› የሚለው የቤተልሔም ዘፈን ነበር፡፡ ገበያ ልትገበይ ወጥታ፤ ፍቅር ሸምታ የተመለሰችው፡፡ ከልጆቼ ጋር ክብ አየሰራን፤ ስንት ዙር እንደጨፈርን አትጠይቁኝ፡፡

ከሰሞኑ የዘፈን ምርጫየ ባሻገር ግን የባሕል ዘፈን ሳይ የምታዘበው ነገር አለ፡፡

የሰሞኑ ምርጥ ዘፈኔ


በጎ ትዝብት
1ኛ-ነጭ የባሕል ልብስ ባለባቸው ሌሎች ዘፈኖች ላይ የማየው የሴቶች ባሕላዊ ቀሚስ፤ የደረሰበት የፋሽን እና የዲዛይን ጥበብ ደረጃ ያስደስተኛል፡፡ በዚህ በኩል ወንዶች ተበድለናል፡፡ፋሽን ልብስ ሰፊዎች፤ በተለይ የሕንድ የሚመስለውን ቀሚሳችንን ቢያስወግዱልን ጥሩ ነበር፡፡እኔ እንድወድላቸው ከፈለጉ፡፡

2ኛ- ከነጩ ልብስ በላይ ደግሞ የሚስገርመኝ ለየብሔረሰቡ የተሰጡት ዘመነዊ ልብሶች ናቸው፡፡ የጎጃም አረንጓዴ ቁምጣ እና ባለ መስመር ካናቴራ፤ የጉራጌ ደመቁ ቀሚስ እና ሻሽ፤ ወዘተ…እኒህም የተሸሻሉ የባሕል ልብሶች መሆናቸው መሰለኝ፡፡ የዚህም ደጋፊ ነኝ፤ ብዙ እውነት አለውና፡፡

ቀደዳ በግሩም ተ/ሃይማኖት

 

‎den ‎11 ‎december ‎2012, ‏‎02:09:58 | staff reporter

እንተዋወቅ በተከታታይ የምንገናኝ ይመስለኛል:: አይ!…ካላችሁ ከዚሁ እንሰነባበት፡፡ የእናንተን ስም ቀስ እያላችሁ ታስተዋውቁኛላችሁ:: የእኔው ከላይ ስፍሯል:: /ማሽ አላህ አትሉም?/ቆንጆ ነው አትሉም? ለመሆኑ እንዴት ናችሁ? የስደት ኑሮ ቅብብሎሹ እንዴት ይዧችኋል? እንዴ!…ምነው ተገረማችሁ? ልክ ነኝ እኮ ኑሮ ቅብብሎሽ አይደል እንዴ? አቦ! አስቡታ ሰኞ ወደ ማክሰኞ..ሲጠልዘን..ማክሰኞ ተቀብሎ አባብሎ ወደ ረቡዕ ሲወረውረን መስከረም ወደ ጥቅምት ሲጠልዘን ጥቅምት ለህዳር..ህዳር ለታሀሳስ እያለ ቅብብሎሹ በርትቶ እዚህ ደርሰን የለ? አሁንም ቅብብሎሹ አንዱ ወደ አንዱ መለጋቱ እንደቀጠለ ነው..

ይሄ ታዲያ ቀደዳ ሳይሆን እውነታ ነው:: ድምጻዊ ጥላሁን ገሰሰ እንደሞተ የረሳ አንድ ትውልደ ኢትዮጵያዊ የጥላሁን ገሰሰ ልጅ አንደኛ አመቱን ሲያከብር ከትላንት ወዲያ አዲስ አበባ ነበርኩ ብሎኝ እርፍ….ከላይ ቤትም መላክ ተጀመረ እንዴ ብዬ ዝምታዬ ውስጥ መዋኘት ጀመርኩ፡፡ የቀደዳ ነገር ሲነሳ ትዝ አለኝ እና ነው:: በአራዲኛ ስጥ እንግዲህ..ረገጣ፣ ቀደዳ..የመሳሰሉት ስያሜ አለው አይደል? በየመንኛ/አረቢኛ; ጡርጡር ይስማማው ይሆን? የአሁን ዕለቱ በቀደም ደግሞ አንዱ “ቆለለው”አለኝ ራሱን ካበው ሊል ፈልጎ::መቼም በየእለቱ የሚፈበረኩ ቃላቶች ግርም ይሉኛል::
አንዱ ደግሞ ‹‹ዘሪሁን ስምጥጡ አለ?››አለኝ፡፡ እኔን ከዘሪሁን መኖር አለመኖር የበለጠ ያሳሰበኝ ‹‹ስምጥጡ›› የሚለው ቃልን የተሸለመበት ምክንያት ነው፡፡ ‹‹ምን ለማለት ነው ስምጥጡ ያለችሁት አልኩ፡፡
‹‹እንዴ!? ቀላል ይሰመጥጥልሀል እንዴ?›› ጉድ በል የቀዳጆች ማህበር ሊቀመንበር፡፡ ጉድና የኪስ ቦርሳ ከወደ ኋላ ነው አለ ኦቦሀማ፡፡

ምሁራንና ‘አክቲቪስቶቻችን’ ሆይ ትግላችን ከመለስ ዜናዊ ወይስ ከሥርዓቱ?

 

አንዳንድ በትኩሱ ስሜታዊነትን እንዳዘሉ የሚሰነዘሩ ሀሳቦችን ትንሽ ፋታ መስጠትና ማስተዋል የታከለበት የታረመና የተስተክካለ ሀሳብን መጠበቅ መልካም ምግባር ነው። የጠቅላይ አስለቃሻችን ነብስ ሙታኑን ከተቀላቀሉ በሁዋላ በአሳርና በመከራ ያልታሰበው ሰው ሁሉም ወደሚያስበው ስልጣን ላይ መምጣቱን ተከትሎ የሚሰነዘሩት ሀሳቦች ግን አሁን ድረስ ስክነት አሳይተዋል ብዬ ላስብ አልቻልኩም። ስህተቱ የኔ ከሆነ እዳው ገብስ ነው። የኔ አይነት ሀሳብ ያላቸው ሰዎች ብዙ ከሆኑ ግን መመለስ ያለበት ጥያቄ አለ ማለት ነው።

አቶ ኃይለማርያምን በተመለከተ ከፈጣሪ ጋራ ቀጥታ የግንኙነት መስመር አላቸው ከሚሉን አንስቶ ስለመልካም ባህሪያቸውና የአስተዳደር ችሎታቸው የሚነግሩንን ሰዎች የተለያዩ መድረኮች አስተናግደዋል። ፍትህን እውነትንና ነጻነትን በምድር፣ ሰማያዊ አምላክን ደግሞ ለነብሱ የያዘ ሰው ራሱ ተኩሶ ባይገድል እንኳን በአባሪነትና በተባባሪነት ወንጀል ስሙ ሊነሳ የግድ ነውና እንደምን ሆኖ መልካሙ ሁሉ እንደተቸራቸው ማሰብ ይከብዳል። በአንድ ስርዐት ውስጥ ያገለገለ ሁሉ የግድ ወንጀለኛ ነው ለማለት ፈጽሞ አይደለም። ነገር ግን የፖለቲካ ስልጣን ይዞ ቁንጮ ሆኖ የተቀመጠና በግድ ያልተመደበ ሰው እሺ ወይም እምቢ የማለት መብት አለውና የማይጠየቅበት ምክንያት የለም። እራሴን ለማዳን ሌሎቹን ማደን ግዴታዬ ነበር የሚል ካለ የፍትህ አካል የሚዳኘው ጉዳይ ይሆናል።

In Defense of Religious Freedom in Ethiopia

by Alemayehu G. Mariam
The Precarious State of Religious Freedom in Ethiopia
In a weekly column entitled “Unity in Divinity” this past June, I expressed grave concern over official encroachments on religious freedom in Ethiopia. I lamented the fact that religious freedom was becoming a new focal target of official human rights violations. But I was also encouraged by the steadfast resistance of some principled Christian and Muslim religious leaders to official interference in religious affairs. I noted that “For the past two decades, Ethiopia has been the scene of crimes against humanity and crimes against nature. Now Ethiopian religious leaders say Ethiopia is the scene of crimes against divinity. Christian and Muslim leaders and followers today are standing together and locking arms to defend religious freedom and each other’s rights to freely exercise their consciences.”
Officials of the ruling regime in Ethiopia see the issue of religious freedom as a problem of “religious extremism”. The late Meles Zenawi alleged that some Christians at the Timket celebrations (baptism of Jesus, epiphany) earlier this year had carried signs and slogans expressing their desire to have a “Christian government in Ethiopia”. He also leveled similar accusations against some Ethiopian Muslims protesting official interference in their religious affairs for being “Salafis” linked to Al Qaeda. Meles claimed that “for the first time, an Al Qaeda cell has been found in Ethiopia. Most of them in Bale and Arsi. All of the members of this cell are Salafis. This is not to say all Salafis in Ethiopia are Al Qaeda members. Most of them are not. But these Salafis have been observed distorting the real teachings [of Islam].”
A Statement issued by the U.S. Commission on International Religious Freedom (USCIRF) last

የሹም-ሽሩ ምስጢርና ዋናው ጠቅላይ ሚኒስትር!

በሰሎሞን ተሰማ ጂ. (semnaworeq.blogspot.com)

ባለፈው ሐሙስ በተደረገው የኢህአዴግ/ወያኔ የካቢኔ ሹም-ሽር ላይ በርካታ አስተያየቶች በመደመጥ ላይ ናቸው፡፡ ሆኖም የበርካቶቹ አስተያየትና ትንተና እዚህ ግባ የማይባልና፣ በወያኔዎች አማርኛም “ውኃ የማይቋጥር” ሆኖ ስላገኘሁት፣ የኔን አስተውህሎት ላቀርብ ወደድኩ፡፡ በቅድሚያ ግን፣ በሀገር ውስጥ ያሉት የተቃዋሚ ፖለቲካ ማኅበሮች/ፓርቲዎች መሪዎች እየተቀባበሉ የሚደጋግሙት ነገር ያው የተለመደውን ነው፤ “ሹመቱ ሕገ መንግሥቱን የተከተለ አይደለም!” ምናምን የሚል ወቀሳ አይሉት ትችት፣ እንዲያው የንፉግና የፈሪ ጩኸት ነው፡፡ የፖለቲካ ፓርቲዎቹን መሪዎች ወያኔ ደጋግሞ አጥጋቢ አማራጭ የላችሁም የሚላቸው ለምን እንደሆነ፣ ብዙዎቹ አሁንም አልተገለጠላቸውም፡፡ መቼ “ተገለጠ/ቡድሀ!” ብለው እንደሚጮሁ አላውቅም፤ በተስፋ ግን እንጠባበቃለን፡፡

ወደዋናው ጉዳያችን እንመለስ፡፡ ኢሕአዴግ/ወያኔ የሰሞኑን ሹም-ሽር ሲያደርግ ለሕዝቡ አዲስ ነገር አልሆነበትም፡፡ አዲስ ነገር የሆነባቸው ካሉም ኢሳት ቴሌቪዥን በነሐሴ 2004 ዓ.ም ያወጣውን መረጃ ያላነበቡትና ወቅታዊ የፖለቲካ ጥንቅሮችን የማይከታተሉት ወገኖች ብቻ ናቸው፡፡ በሀገር ጉዳይ (በወል ቤታችን ጉዳይ ላይ እስከመቼ ድረስ ቸልተኛና ገለልተኛ ሆነው እንደሚቀጥሉ ባይገባኝም) ላይ ቸለል የሚሉት ወገኖች ናቸው፡፡ ከዚያ ወጭ ያሉትና የወቅቱን የሕወሀት-ወያኔን መቅነዝነዝ ሰበብ ያልተረዱት ብቻ ናቸው፡፡ ከሁሉም በላይ ደግሞ የአቶ ኃይለ ማርያም ደሳለኝ ነፍስ ፖለቲከኛ ሆና በመገኘት ፈንታ “መሲሐዊት” ለመሆን እየተንደፋደፈች መሆኗን ወያኔዎች መረዳታቸው ነው፡፡ በመሆኑም ከነበሯቸው ብዙ ብዙ አማራጮች መካከል የሦስት ምክትል ጠቅላይ ሚኒስትሮችን ሹመት አጸደቁ፡፡

የፓርላማውን ስርጭት ለተመለከተው ሰው ሁለት የሚደንቁ አልቦ-ቋንቋ እንቅስቃሳችን ጠቅላይ ሚኒስትሩና ምክትል ጠቅላይ ሚኒስትሩ አቶ ደመቀ መኮንን አሳይተዋል፡፡ የተሹዋሚዎቹን ስም ዝርዝር ሲያነብ የነበረው ኃይለ ማርያም ደሳለኝ (The Mimic Man)፣ መለሰ ዜናዊኛ ማስኩ/ጭንብሉ ጠፍቶበት ሲኮለታተፍ ነበር፡፡ ምናልባትም በሥራ ብዛት ሰበብ ይህንን የሚያህል ድርጅታዊ ውሳኔ ሲወሰን በስብሰባ ላይ አልተገኘም ነበር ይሆናል፡፡ ጎበዞቹ የወያኔ አርክቴክቶች ውሳኔያቸውን እንዲያነብ አዳራሹ ውስጥ ከገባ በኋላ ነው የሰጡት፡፡ የተሹዋሚዎቹን ስም ዝርዝር ሲያነብ ከፍተኛ የሆነ ቃና-ቢስነት ይታይበት ነበር፡፡